Habakuk 2:16 - O Debleskro Drom 2021 (Sinte)

¹⁶ Tu anal ladj ap tute un kek sharepen. O baro Dewel dell tut dran leskro khoro pherdi peskri choli te pijell. Kanna pi, bis te nai rikreh tut buder gar ap tire pire! Palle well i ladj pral tute, un tiro railepen hi gar buder.

O Debleskro Lab 2024 (Sinte-Manouche)

¹⁶ Tou anal ladj ap toute oun kek sharepen. O baro Devel dell tout dran leskro khoro pherdi peskri rholi te piyell. Kanna pi, bis te nay rikreh tout bouder gar ap tire pire! Palle vell i ladj pral toute, oun tiro raylepen hi gar bouder.

Habakuk 2:16 ပူးပေါင်းရင်းမြစ်များ

Debleskri gili 75:8

Na-a, o Dewel hi o tchatchepaskro rai, kai ko jekeske i soor krik lell, un o wawares bares krell.

Gosewe laba 3:35

Kolla, kai tchatchepah gosewo hi, wenna sharedo. Kolla, kai dinelo koowa krenn, hunte hidjrenn pengri ladj.

Jesaja 20:4

jaake lell o baro rai pral Assur i menshen an Egiptia un an Etiopia pandles, un tradell len krik, i ternen un i phuren. Un jon hunte djan nanges un pirkenes. Un len hi kek cholopja ap pende. Hawi ladj hi kowa lenge!

Jesaja 47:3

Tu well diklo, har djal nanges, un ladj well ap tute. Kanna dau me tut ko tselo tchilatchepen pale, hoi kral. Un kek nai rikrell man pale.

Jesaja 49:26

Kolla, kai chan tut, kolla hunte chan pengro mass un hunte pijenn pengro rat, un wenn kolestar jaake mato, har te pijans le gudli mool. Palle haiwenn i tsele menshe, te hom me o baro Dewel, kowa, kai lell tut win dran o merepen, un tserdell tut win dran i tchilatche wasta, me o sorelo Dewel o Jakobestar.

Jeremia 25:15

O baro Dewel, ko Dewel pral o Israel, penas ap mande: Le ko khoro mool dran miro wast. Kau khoro hi pherdi miri choli. De les i tsele natsjonenge te pijell, pash kolende me tut bitchrau.

Jeremia 25:17

Un me lom ko khoro dran o wast o baro Deblestar, un dom les i tsele natsjonenge te pijell, pash kolende o baro Dewel man bitchras.

Jeremia 51:57

O baro Dewel penell: Me krau len mato, kol pralstunen an Babilon, kol gosewe murshen, themeskre rajen, pralstune lurden, un kol wawar lurden an Babilon, te perenn le an i sopen, kolestar jon buder gar pre stenn. Kowa penell o baro rai, koleskro lab hi: baro Dewel, ko rai pral o bolepen un i phub.

Jeremia 51:7

O foro Babilon his har i sonakaskro khoro an o baro Debleskro wast, i khoro, hoi pherdi mool his, kolestar i menshe an i tsele themma pijan un mato wan. Doleske wan jon jaake narwelo.

Ropaskre gilja 4:21

Awa, san tumenge un khelenn, tumer Edomarja an o them Uz! Pash tumende well ninna ko khoro pherdo o Debleskri choli, hoi hunte pijenn, bis te wenn mato un riwenn tumen win.

Ezekiel 23:33

Ko khoro, hoi tiri pheen Samaria pijas, hi i khoro pherdi traash un khetne-phagepen. Sawo khoro hunte pijess tu ninna win. I darjatar nai weh buder gar tardo ap tire herja, har te wals mato.

Hosea 4:7

Jaake har tumer rashaja bud un budeder wan, kran tumer bud un budeder tchilatchepen ap mande. Doleske krau, te wenn buder gar an-diklo, un witsrau tumen an i ladj.

Hosea 7:5

Ap maro baro rajeskro diwes pijenn pen i pralstune mates i moljatar. Un o baro rai beshell pes khetne kolentsa, kai san pral halauter.

Habakuk 2:10

An tiro dji his, te maress i menshen an bud themma. Kowa hoi tuke glan lal, anell i ladj pral tiro kheer, un tu weh maredo.

Habakuk 2:15

Djungeles djal tuke, kai mukeh i wawaren tiro khoro pherdi choli te pijell, un kreh len mato, te dikess len nango!

Filiparja 3:19

Jon djan ap i drom, kai djan le nashedo. Lengro per hi lengro Dewel. Jon sharenn ko djungelo koowa, hoi kran le, un hunte ladjans pen pral kowa. Kowa, hoi an lengro shero trujel djala, hi phubjakro koowa.

Debleskro tsiro 18:6

Krenn ap late jaake, har joi ap tumende kras! Denn lat dui kope jaake bud tchilatchepen pale, har joi ap tumende kras! Denn lat i pipen te pijell, hoi hi dui kope sorleder har kowa, hoi joi das tumende te pijell!