Habakuk 2:1 - O Debleskro Drom 2021 (Sinte)

¹ Kate hom tardo ap miro turmo, un dau garda, te dikap, hoi job mantsa rakrell, un hawe laba job mange pale penell, ap kowa, hoi me leske halauter glan rikrom.

O Debleskro Lab 2024 (Sinte-Manouche)

¹ Kate hom tardo ap miro turmo, oun dau garda, te dikap, hoy yob mantsa rakrell, oun have laba yob mange pale penell, ap kova, hoy me leske halauter glan rikrom.

Habakuk 2:1 ပူးပေါင်းရင်းမြစ်များ

2. Samuel 18:24

O David his mashkral kol dui bare wudja beshdo. Un ko mursh, kai das garda, djas pral ap ko baro wudar an o foreskri massuri, dikas pes trujel, un dikas koi i murshes, kai nashell kokres.

2. Rajengro liil 17:9

Un i Israelitarja kran kowa khatedes, hoi gar tchatcho his glan o baro Debleskre jaka, kai lengro Dewel hi. Un jon kran penge mulne platse an hake gaba un forja, tikne un sawe bare, kai sorele massurja trul lende hi.

2. Rajengro liil 9:17

Pral ap ko turmo an Jesreel his jek tardo, kai dell jak. Kowa dikas kol kurepangre wurdja, kolentsa o Jehu was, un penas: “Me dikau lurden.” Koi penas o Joram: “Bitche i klissepaskres pash lende, te putchell job: ‘Awenn tumer an o latchepen?’”

Hiob 31:35

Ach, te wals jek koi, kai ap mande shunell! Hoi penom, tel kowa nai tchinau miro lab. O sorelo Dewel te rakrell pale! Kai hi ko liil, an koleste kowa miri doosh pre-tchinas, kai penell, te lom doosh ap mande?

Hiob 31:37

Me penaus leske hako koowa, hoi krom an miro djipen, un har i rai waus me glan leste.

Debleskri gili 5:3

De jak ap miri gole! Tu hal miro baro rai un miro Dewel, koles me mangau.

Debleskri gili 85:8

Baro Dewel, ab menge latches, un kre lauter menge pale mishto!

Debleskri gili 85:9

Kamoms te shunap, har o baro Dewel penell, te well an leskro them un leskre menshenge kek kurepen, jaake te djas mer gar ap dinele dromma.

Jesaja 21:5

O chapen hi ap i chapaskri tchiddo, un i stakepangre hi ap i phub tchiddo, jon chan un pijenn. Koi dell jek gole: “Stenn pre, tumer pralstune! lenn tumare shilte an o wast!”

Jesaja 21:6

O baro Dewel, maro rai, penas mange: Dja koi un tchip i murshes tardo, te dell lo jak. Un kowa hoi lo dikell, hunte penell lo tuke!

Jesaja 21:8

Koi das ko mursh gole, kai jak dell: Rai, me hom ap miri platsa tardo o tselo diwes, un dau jak haki rati.

Jesaja 62:6

Jerusalem, me tchiwom murshen ap tire massurja, te denn le jak ap tute. O tselo diwes un i tseli rat denn le bares gole, un mukenn gar tele, te bistrell tut o baro Dewel gar.

Jeremia 12:1

Baro Dewel, kamoms gar te penap, kai tu doosh ap tute anal. Djinau, tu hal an tiro tchatchepen. Ninna te hi jaake, kamau te putchap tutar, har nai haiwap tiro tchatchepen. Hoske djal kolenge mishto, kai djiwenn i tchilatcho djipen? Hoske hi kolen, kai tutar krik djan, halauter, hoi len hunte well?

Jeremia 6:17

Ninna dom tumen menshen, kai denn jak ap tumende. Denn garda koi pre, te phurdenn le i phurdepaskri, hoi sikrella: Bibacht wella … Jon penan: Mer kamah len gar te shunell.

Ezekiel 3:17

Tu, mensho, wess kowa, kai dikell i bibacht te well un penell kowa i Israelenge dureder, jaake har jek ap i foro jak dell, un i menshenge penell, te wenn lurde. Te penau me tuke i lab, hunte peness kowa lenge, te djinenn le, hoi kamau ap lende te anell.

Ezekiel 33:7

Tu, mensho, tut rodom win, te dess jak ap o kheer Israel. Te shuneh i lab dran miro mui, hunte peness kowa lenge, te djinenn le, hoi kamau me pral lende te anell.

Micha 7:7

Me kamau te dikap ap o baro Debleste, un rikrau man ap leste, te well lo ap miri rig. Miro Dewel shunell miri gole.

2. Korintarja 13:3

Palle dikenn tumer mishto, te was miro rakepen o Jesus Kristestar. Job hi sorelo pash tumende, un sikrell tumen peskri bari soor.