Habakuk 1:9 - O Debleskro Drom 2021 (Sinte)

⁹ Jon wenna halauter, te kurenn le pen bari un tchilatchi sorjah. Kek lendar dikell pale. Jon lenn jaake bud pandle, te nai penell kek, kitse jon hi.

O Debleskro Lab 2024 (Sinte-Manouche)

⁹ Yon venna halauter, te kourenn le pen bari oun čilači zoryah. Kek lendar dikell pale. Yon lenn yaake boud pandle, te nay penell kek, kitse yon hi.

Habakuk 1:9 ပူးပေါင်းရင်းမြစ်များ

1. Mose 41:49

Un o Josef tchiwas bud djob khetne, jaake bud har i tikne barra pash o baro pani. Un jon mukan tele, te tchinell an i liil, har bud kowa his.

2. Rajengro liil 12:17

Kol wawar lowe, hoi i menshe pashel dan, har anan le viechen o Debleske, te well lengri doosh krik lino, un te well lauter pale mishto, kol lowe was gar o baro Debleskro khereske lino. Kol lowe his i rashajenge kokres.

Hiob 29:18

An ko tsiro patsom, te wau i phuro mursh, un merau an o latcho phurepen mank mire tchawende.

Debleskri gili 139:18

Te kamoms les tele te ginell, wals kowa budeder har i santa pash o baro pani. Te stau pre o wawar diwes, hom gomme pash tute.

Jesaja 27:8

Na-a, job das len lengri phagi, har job len pestar krik bitchras. Dran lengro them wan le krik tradedo har i sorelo ducheha, hoi kotar phurdell, kai o kham pre djal.

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 34:22

Awa, me kharau len pale kai, un anau len pale glan kau foro, penell o baro Dewel. Jon wenn trul kau foro tardo, un lenn kau fores penge dren, un chatchrenn les tele. Un kol forja an o them Juda mukau jaake khetne te dell, te wenn le har i mulo them, kai nai djiwell buder kek dren.

Jeremia 4:11

An ko tsiro well kol menshenge an Jerusalem penlo: I sorelo tatepen well dran kol berge dran o mulo tato them pash tumende. Kowa hi kek phurdepen, hoi phurdell o phuss un o tchik krik,

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Ezekiel 17:10

Jaake well o bur gar baro, ninna te was lo an i phub tchiddo. Te well o sorelo tato ducho fun kotar, kai o kham pre djal, un phurdell ap leste, merell lo tele, ap koi platsa, kai was job an i phub tchiddo.

Ezekiel 19:12

Koi was i chojedo wast, un tserdas les win dran i phub, un witsras les tele. Un i tato ducho, hoi was fun kotar, kai o kham pre djal, mukas leskre drake truk te well. Leskre sorele kashta wan tele phagedo, te meran le tele un wan an i jag chatchedo.

Daniel 11:17

Un job kamell ninna o tselo them Egiptia an peskro wast te lell. Doleske rakrell lo pes o baro rajeha pral o them Egiptia tele, un dell les peskri tcha, te well li leskri romni. Kowa krell lo, te anell lo nai koleskro them an i bibacht. Kowa djal leske gar, un well gar jaake har job kamell.

Hosea 13:15

Ninna te hi o Efrajim mank peskre phralende har i senelo ruk, hoi hidjrell latche rukengre, bitchrell o baro Dewel i tato ducho, hoi well kotar, kai o kham pre djal. Dran o mulo tato them well lo, un krell, te wenn i tsele panja truk. Un job lell leskro tselo brawlepen lestar krik, – ko tselo kutch koowa.

Habakuk 1:17

Mukeh tu len pale te pale wawar themma dren te lell? Kameh tu, te marenn le kol tsele menshen koi, un sikrenn lenge kek kamlepen?

Habakuk 1:6

Me krau te wenn i Babilonarja soreles, kol tchilatche un sik kurepangre. Pral i tseli phub wenn le, de lenn le penge wawar themma dren hoi gar lengro his.

Remarja 9:27

Pral i Israelitarja rakras o Debleskro rakepaskro, o Jesaja, kol laba: Ninna te wans i Israelitarja jaake bud har i tikne barra pash o baro pani, kol budendar atchella jek wast pherdo pral, un well dran o Debleskri choli win.

Čačepangre 7:12

Un i Midianarja un i Amalekarja un lauter, kai wan kotar, kai o kham pre djal, his kote tchiddo an o telstuno them un tchakran o them har i stepangre. Jaake bud his le. Un lengre khamele his jaake bud, te djinas kek, har bud jon hi. Kolla his jaake bud har i santa pash o baro pani.