Habakuk 1:8 - O Debleskro Drom 2021 (Sinte)

⁸ Lengre graja hi sikeder har i bare diwje margodje. Un jon dandrenn sikeder har i diwje djukle an i rati. Lengre bud lurde wenna dran i dur them, un klissenna jaake sik har i adlari tele djal, te taprell lo i vieches.

O Debleskro Lab 2024 (Sinte-Manouche)

⁸ Lengre graya hi sikeder har i bare divye margodje. Oun yon dandrenn sikeder har i divye djoukle an i rati. Lengre boud lourde venna dran i dour them, oun klissenna yaake sik har i adlari tele djal, te taprell lo i firhes.

Habakuk 1:8 ပူးပေါင်းရင်းမြစ်များ

Hiob 9:26

Miro djipen nashell jaake sik dureder har i sik bero un har i baro tchirklo, hoi mukell pes tele te perell ap i tikno viecho, te taprell lo les.

Jesaja 11:14

Palle djan le khetne bari sorjah ap i Filistarja, kai kote djiwenn, kai o kham tele djal. Un khetne randenn le kolen win, kai an i themma djiwenn, kai o kham pre djal. I themma Edom un Moab lenn le dren. Un i Ammonarja hunte krenn, hoi jon penenn.

Jeremia 4:13

Dik, har wolke well ko marepaskro. Leskre kurepangre wurdja hi sik har i phurdepen, un leskre graja hi sikeder har i adlari. Hawi bibacht! Mer ham nashedo!

Jeremia 48:40

Kawa penell o baro Dewel: Dikenn, kowa, kai marell o Moab, well sik har i adlari, un krell peskre mussja buchles pral o them.

Jeremia 5:6

Doleske wenna lewe dran o weesh un marenn len; diwje djukle dran o diwjo un truk them dandrenn len an kotja, un bare diwje margodje lurenn glan lengre forja. Hakeno, koon win wella, wella an kotja dandedo. Lengri doosh hi bud un phari. Bud kope djan le mandar krik.

Jeremia 50:42

Len hi boge un chare. Jon hi midjak un len khaitell kek. Ap graja klissenn le i goljah, hoi jaake baro hi har i gole, hoi o baro pani krell. Jon wenna, te kurenn le pen tuha, tu foro Babilon.

Ropaskre gilja 4:19

Kolla, kai men palla lan, his sikeder har i adlarja tel o bolepen. Ap o pralstuno them lan le men palla, un an o mulo them luran le menge pre.

Ezekiel 17:12

Pen kol menshenge, kai mukenn pen tchi te penell: Haiwenn tumer gar, hoi kowa kamell te penell? O baro rai dran o them Babilonia was an Jerusalem, un las leskro baro rajes un leskre pralstunen pandles, un anas len pash peste an o foro Babilon.

Ezekiel 17:3

Pen lenge: Kawa penell o baro Dewel, maro rai: Kote his i baro adlari. Koles his bare mussja un pesse shukar phora trul peskro shero. Kowa djas ap i berga Libanon un phagas o pralstuno kotar i rukestar krik, hoi kharell zedera,

Ezekiel 26:11

I graja stakrenn tire tsele dromma paash. Tire menshe wenn o chareha mulo dino. Un tire sorele barrengre turme perenn ap i phub.

Hosea 8:1

O baro Dewel penell: Phurde soreles an i phurdepaskri! Har i adlari wenn le pral miro them. Kolla kai kote djiwenn, rikran pen gar ap kowa, hoi lentsa win krom, un hadan pen pral mire laba.

Nahum 2:5

Har diwjes ulerenn i wurdja ap i dromma! Jek hi sikeder har o wawar. Jon dikenn win har jag, un hi sik har koi jag, hoi har i karepen ap o bolepen pre un tele djal.

Zefanja 3:3

Lengre pralstune hi har lewe, kai denn i bari gole. Lengre tchatchepangre mursha hi har diwje djukle an i rati, kai chan lauter, hoi maran le, un mukenn tchi pral o wawar diweske.

Mateo 24:28

Kote, kai i mulo mass tchiddo hi, kote wenn i bare diwje tchirkle khetne te chan le.

Louka 17:37

Leskre mala putchan lestar: “Rai, kai well kowa?” Penas lo: “Kote, kai i mulo mass tchiddo hi, kote wenn i bare diwje tchirkle khetne te chan le.”

5. Mose 28:49

Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.