Habakuk 1:5 - O Debleskro Drom 2021 (Sinte)

⁵ [O Dewel penell:] Dikenn tumen trujel pash i menshende an wawar themma! Tumer krenn bare jaka, hoi dikenna! Me krau tchomone an tumare tsirja, hoi tumer gar patsenna, te wals tumenge kowa penlo.

O Debleskro Lab 2024 (Sinte-Manouche)

⁵ [O Devel penell:] Dikenn t'men trouyel pash i menshende an vavar themma! T'mer krenn bare yaka, hoy dikenna! Me krau čomone an t'mare tsirya, hoy t'mer gar patsenna, te vals t'menge kova penlo.

Habakuk 1:5 ပူးပေါင်းရင်းမြစ်များ

Jesaja 29:14

Doleske krau kal menshentsa pale sawo koowa, hoi le gar haiwenn, un hoi win dikell, har te wals kowa gar mandar, jaake te atchell lenge o rakepen krik. Lengre gosewe menshe hi palle buder gar gosewo. Un kolla, kai bud haiwan, haiwenn buder tchi.

Jesaja 29:9

Krenn dureder, har te wans dinelo an o shero! Krenn dureder, har te wans korelo ap i dui jaka! Tumer han mato – un pijan kek mool. Tumer perenn jek rigjatar ap i wawar – un pijan kek sorelo pipen.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Ropaskre gilja 4:12

Kanna was, hoi i bare raja pral i themma gar patsans, witar gar i tsele menshe ap kai phub: Lurde dran wawar themma, kai kaman maro them dren te lell, djan an i wudja o forestar Jerusalem dren.

Daniel 9:12

Un tu rikral tiro lab un anal kowa, hoi penal, pral mende un pral mare tchatchepangre murshende, hoi menge o tchatchepen win krenn. Koi bibacht, hoi mukal pral mende te well, his jaake baro, te was tel o tselo bolepen sau koowa gar diklo har kowa, hoi an o foro Jerusalem djas.

Habakuk 3:2

Baro Dewel, me shunom, hoi tu lauter kral, Har baro hal tu, baro Dewel! Kre sawo koowa pale an maro tsiro, sawo baro koowa, muk les men ninna te dikell an maro tsiro! An tiri choli biste gar tiro kamlepen!

Zefanja 1:2

Me mukau halauter, hoi ap i phub djido hi, te merell:

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.