Gosewe laba 8:17 - O Debleskro Drom 2021 (Sinte)

¹⁷ Me kamau kolen, kai man kamenn. Un kolla, kai rodenn man o djijestar, kolla hatsenn man ninna.

O Debleskro Lab 2024 (Sinte-Manouche)

¹⁷ Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Gosewe laba 8:17 ပူးပေါင်းရင်းမြစ်များ

2. Familjakro liil 34:3

Har lo an o ochtato bersh baro rai his, un gomme i terno mursh his, rodas lo ko Debles, koles leskro phuro dad, o David, an-mangas. Un an o 12. (deesh-te-duito) bersh kras lo pes ap i budi, te witsrell lo dran o them Juda un dran o foro Jerusalem kol chochene deblen un figuren krik. Koi pashel his ninna i figure, hoi i debletsa Ashera sikrenn.

Debleskri gili 91:14

O Dewel penell: “Job kamell man o tselo djijestar. Doleske lau les dran kowa lauter win. Job prindjrell man. Doleske dau jak ap leste.

Gosewe laba 1:28

Palle denn le pal mande gole, un me mukau tchi mandar te shunell. Palle rodenn le man un hatsenn man gar.

Gosewe laba 2:4

Rode pal miro goswepen, har te rodals rup un i khatedo brawlepen!

Gosewe laba 2:5

Palle haiweh, har nai djiweh o baro Debleha, un prindjreh les bud un budeder.

Gosewe laba 4:6

Ma muk o goswepen! Te hal gosewo, weh tu win lino dran o tchilatchepen. Te kameh o goswepen, hi lo har i sorelo kheer trul tute.

Gosewe laba 8:16

Mandar lenn i pralstune pengri soor, te penenn le i menshenge, hoi te krenn le. Mandar lenn i tchatchepangre raja pengri soor, te rakrenn le o tchatchepen win pral i menshende.

Sikepaskro 12:1

Jaake rah har terno hal, ma biste koles, kai tut kras! Un djin, te wenn kol tchilatche diwessa un kol bersha, kai tu peneh: “Jon hi mange gar mishto”!

Kamlepaskri gili 3:4

Har me lendar i tikno kotar dureder djom, hatsom les, koles miro dji kamell. Me taprom leskro wast, un mukom les buder gar mandar te djal, lom les khere pash mande, an miri dakri isema, kai boldo wom.

Jesaja 45:19

Me rakrom gar tchorchanes an i khatepen, kai kek shunell, un penom gar ap o Jakobeskre tchawende: Rodenn man tchitcheske! Me, o baro Dewel, rakrau o tchatchepen, un penau tumenge, hoi tchatcho hi.

Jesaja 55:6

Rodenn o baro Debles jaake rah job mukell pes te hatsell! Denn les an-gole jaake rah job gar dur hi!

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

Markus 10:14

Har o Jesus kowa dikas, was lo chojedo, un penas ap lende: “Mukenn kol tchawen pash mande te well! Ma rikrenn len pale! Sawe har jon, kolen das o Dewel gole, te djiwenn le khetne leha an o bolepen.

Johanni 14:21

Koon mire laba shunella un krell, hoi me penau, kowa kamell man tchatchepah o djijestar. Un koon man kamella, koles kamell miro dad. Un me kamau les ninna o djijestar un me sikrau leste, koon me hom.”

Johanni 14:23

Koi penas o Jesus ap leste: “Te kamell man jek o djijestar, kowa krell, hoi me penau. Koles kamell miro dad. Un mer wah pash leste un atchah pash leste.

Johanni 16:27

Miro dad kamell tumen ninna jaake har me kamau tumen. Tumer kamenn man o djijestar un patsenna, kai me o Deblestar wom. Doleske kamell tumen miro dad ninna o djijestar.

Johanni 7:37

Ap ko pralstuno un shukeder diwes, was o Jesus pale glan kol tsele menshende, un das gole: “Kones trush hi, kowa te well pash mande un pijella!

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.

1. Johanni 4:19

O Dewel kamas men o djijestar. Doleske kamah mer o Debles un i menshen ninna.

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.