Gosewe laba 8:13 - O Debleskro Drom 2021 (Sinte)

¹³ Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

O Debleskro Lab 2024 (Sinte-Manouche)

¹³ Kova, kay kamell o baro Debleha te djivell, kova kamell o čilačepen gar glan peskre yaka te dikell, kova dikell gar tele ap o vavareste oun phourdell pes gar pre, kova djal gar i čilačo drom, oun rakrell kek rhorhepen.

Gosewe laba 8:13 ပူးပေါင်းရင်းမြစ်များ

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Hiob 28:28

Job penas ap o mensheste: Sawo mensho hi gosewo, kai rikrell pes o Debles glan i jaka pash kowa, hoi lo krell. Sawo mensho haiwas, har te djiwell lo o gosewo djipen, kai rikrell pes pale o tchilatchepastar.

Debleskri gili 101:3

Rikrau man pale te krap chocheno koowa, un kamau gar khetne te well kolentsa, kai bango koowa krenn. Sawo koowa kamau gar glan i jaka te dikell.

Debleskri gili 119:104

Tiro lab krell man gosewo. Doleske nai dikau gar chochene dromma glan i jaka.

Debleskri gili 119:128

Tire tsele laba, hoi menge penal, hi mange mishto. Kamau tchi te djinell i chocheno dromestar.

Debleskri gili 138:6

Awa, ninna te hal jaake dur pral halauter, dikeh tu kolen, kai tele rikede hi. Un kol pre-phurden prindjreh fun dural.

Debleskri gili 97:10

Tumer, kai o baro Debles kamenna, stakrenn o tchilatchepen khetne. O baro Dewel rikrell peskre wasta pral o djipen kolendar, kai leskre hi, un lell len win dran o wast i tchilatchendar.

2. Mose 1:17

Kol dui chatchede chalja daran o Deblestar un shunan gar ap o baro rajeste, hoi job penas. Jon mukan ninna kol mursh tchawen te djiwell.

Gosewe laba 10:31

Dran o mui kolestar, kai an o tchatchepen tardo hi, wenn gosewe laba. I chocheni tchip well tele tchinlo.

Gosewe laba 15:9

O baro Dewel dikell chojedes ap kowa, hoi i tchilatche krenn. Koon peskro tselo djijeha o tchatchepen krell, koles kamell job.

Gosewe laba 16:18

Koon pes bares krell, well phagedo. Un i pre-phurdo mensho perell.

Gosewe laba 16:5

O baro Dewel dikell chojedes ap hakeneste, koles i pre-phurdo dji hi. O wast pre, kowa lell peskri phagi.

Gosewe laba 16:6

Ab latches un rike pash o Debleste, un job bistrell tiri doosh. Te djiweh leha, rikreh tut pale o tchilatchepastar.

Gosewe laba 3:7

Ma ab gosewo an tire jaka! Muk o baro Dewel tiro rai te well, un rike tut krik i tchilatche dromma!

Gosewe laba 4:24

Muk kek chochene laba dran tiro mui te well! Tiro rakepen te well mishto un tchatcho!

Gosewe laba 6:12

I tchilatcho mensho un i tchi-moldo hi kowa, kai chochepen rakrell,

Jesaja 13:11

O baro Dewel penell: Me anau bibacht ap i phub, un mukau o tselo tchilatchepen, hoi i tchilatche kran, ap lende pale te well. I pre-phurden hi buder tchi, koleha nai sharenn le pen. Un me krau kol pre-phurden tikno, kai rikran pengri sorjah kolen tele, kai len kek soor hi.

Amos 5:15

Dikenn tchilatches ap kowa, hoi tchilatcho hi, un dikenn latches ap kowa, hoi latcho hi! Dikenn koi pre, te lell kowa peskro tchatchepen, koon an o tchatchepen hi! Palle nai well o baro Dewel latches kolenge, kai dran o kheer Josef pral atchenn. Job hi o rai pral o bolepen un i phub.

Amos 6:8

O baro un sorelo Dewel, ko rai pral o bolepen un i phub, das pes sowel pash peskro djipen un penas: Me hom chojedo pral o pre-phurdepen o Jakobeskre tchawendar, un nai dikau lengre shukar khera buder gar glan i jaka. Doleske dau o foro un lauter, hoi koi dren hi, an i wasta wawar menshendar.

Zakarie 8:17

Kek te lell pes tchilatchepen glan, te anell lo ap o wawareste. Ma denn tumen i chocheni sowel! Kowa lauter hi djungeles an mire jaka”, penell o baro Dewel.

Remarja 12:9

An tumaro kamlepen hunte well kek chochepen! Mukenn o tchilatchepen un krenn o latchepen!

1. Tessalonikarja 5:22

Rikrenn tumen pale dran hako tchilatcho koowa!

2. Timoteo 2:19

Ninna te hi sawe menshe koi, kai rakrenn chochepen, djinah mer: Kowa, hoi o Dewel kras, nashte krell kek paash. Kowa hi har i bar, hoi soreles tardo hi. Kek nai witsrell les trujel. Ap leste hi tchinlo: O rai prindjrella kolen, kai leskre hi. Un ninna hi tchinlo: Koon o rajes an-mangella, hunte mukell o tchilatcho drom.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.

1. Samuel 2:3

Mukenn tele tumaro sharepah! Ma krenn tumen bares! Mukenn buder kek pre-phurde laba dran tumaro mui win! O baro Dewel hi i Dewel, kai kowa djinell. Un kowa, hoi i menshe krenna, lell job an o jak un penell, hoi kowa molella.