Gosewe laba 8:10 - O Debleskro Drom 2021 (Sinte)

¹⁰ Mukenn tumen mandar te penell, har te djiwenn! Kowa hi tumenge feteder har te nashenn o rup palla! Rodenn, har te djinenn budeder. Kowa hi tumenge feteder har kutch sonakai.

O Debleskro Lab 2024 (Sinte-Manouche)

¹⁰ Moukenn t'men mandar te penell, har te djivenn! Kova hi t'menge feteder har te nashenn o roup palla! Rodenn, har te djinenn boudeder. Kova hi t'menge feteder har kouč sonakay.

Gosewe laba 8:10 ပူးပေါင်းရင်းမြစ်များ

Hiob 28:15

I menshe nai ginenn gar o goswepen, nai denn kek rup witar kek sonakai, te plaissrenn le leske.

Hiob 28:17

O sonakai un kutch glaso hi gar jaake kutch har o goswepen. Witar kek shukar sonakangre tchare nai dell jek, te lell lo o goswepen.

Debleskri gili 119:127

Me kamau tire laba budeder har o sonakai, awa, budeder har o latcheder sonakai.

Debleskri gili 119:162

Pral tiro lab hom jaake bachtelo har jek, kai las bud brawlepen.

Debleskri gili 119:72

Tiro drom kamau me budeder har bud serja kotja sonakai un rup.

Gosewe laba 10:20

O rakepen kolestar, kai an o tchatchepen tardo hi, hi har kutch rup. Kowa, hoi i tchilatches an o shero hi, hi tchi moldo.

Gosewe laba 16:16

Hi budeder moldo te less goswepen har te less sonakai. Te haiweh, hoi mishto un gar mishto hi, hi kowa tuke feteder har rup.

Gosewe laba 20:15

Dell sonakai un bud kutch barra. I kutcheder koowa hi i mui, hoi rakrell, hoi mishto un tchatcho hi.

Gosewe laba 23:23

Muk tuke o tchatchepen un o goswepen bud moldo te well! Muk tuke hako tsiro tchomone te penell, te haiwess lauter mishto.

Gosewe laba 8:19

Hoi tumer mandar lenn, hi feteder har o latcheder sonakai, kutcheder har o latcheder rup.

Sikepaskro 7:11

O goswepen hi jaake mishto har i brawlepen, hoi o dad peskro tchaweske mukas. Hakeneske ap kai phub hi o goswepen bud moldo.

Bičepangre 3:6

O Petro penas: “Rup un sonakai hi man gar. Hoi man hi, dau me tut. An o lab o Jesus Kristestar dran Nazaret penau me tuke: Ste pre un dja trujel!”

2. Korintarja 6:10

Menge hi ropaske, un mer nai sanah. Mer ham tchorwelo, un krah i wawaren brawelo. Men hi tchi ap kai phub, un lauter hi menge.