Gosewe laba 7:7 - O Debleskro Drom 2021 (Sinte)

⁷ Ap o drom dikom bud terne murshen, un mank lende jek, koles tchi an o shero hi.

O Debleskro Lab 2024 (Sinte-Manouche)

⁷ Ap o drom dikom boud terne morshen, oun mank lende yek, koles či an o shero hi.

Gosewe laba 7:7 ပူးပေါင်းရင်းမြစ်များ

Hiob 24:15

Kowa, kai kamell pash o wawareskri romjate te djal, lurell ap i rat. Job penell peske: ‘An i rat nai dikell man kek jak.’ Un tchiwell i diklo glan peskro mui.

Debleskri gili 119:130

Te haiwah tiro lab, palle krell men kowa bachtelo, un ninna kolla, kai tchi djinenn, wenn gosewo.

Debleskri gili 19:7

O kham djal pre ap koi jek rig o bolepastar, un nashell peskro drom bis ap i wawar rig, un glan leskro tatepen atchella tchi khatedo.

Gosewe laba 1:22

Tumer, kolen tchi an o shero hi: Har rah kamenn tumer dinelo koowa te krell? Tumer sapangre, har rah kamenn tumer pral o wawareste te sal un les praassell? Tumer dinele, har rah penenn: Mer kamah gar te djinell, hoi tchatcho hi?

Gosewe laba 1:32

Kolen tchi an o shero hi, kolla rissrenn o Debleske o dumo; un kowa anell lenge o merepen. Un lengro pre-phurdepen marell len.

Gosewe laba 1:4

Jaake wenn ninna kolla gosewo, kolen tchi an o shero hi. Un terne mursha haiwenn, hoi hunte krenn le, un dikenn dren, hoi mishto hi.

Gosewe laba 10:13

Kowa, kai haiwell, hoi mishto un gar mishto hi, rakrell gosewe laba. Koles, kai tchi an o shero hi, kowa lell dawa.

Gosewe laba 12:11

Koon ap peskro kotar phub budrell, koleske well bud maro. Koon sawo koowa pal nashell, hoi tchi moldo hi, kowa hi narwelo.

Gosewe laba 14:15

Koles tchi an o shero hi, kowa patsell hako lab, hoi jek ap leste rakrell. Kones i gosewo dji hi, kowa dell jak, hoi lo krell un kai lo djal.

Gosewe laba 14:18

Kolen tchi an o shero hi, lenna pale, hoi dran lengro dinlepen well. O gosewo djinell bud. Kowa hi leske har i rajeskri stadi, hoi krell les shukar.

Gosewe laba 19:2

Jek, kai peskro koowa gar haiwell, hi tchi moldo, ninna te budrell lo sik. Kowa, kai sik nashell, perell.

Gosewe laba 19:25

Te deh tu jekes, kai pral halauter sal, palle wenn kolla gosewo, kolen tchi an o shero hi. Un te tchingreh koleha, kai haiwell, hoi mishto un gar mishto hi, palle haiwell lo gomme budeder.

Gosewe laba 22:3

Koles i gosewo dji hi, kowa dikell, har i bibacht wella un khatrell pes. Kolen tchi an o shero hi, kolla nashenn dureder, un i bibacht well ap lende.

Gosewe laba 24:30

Me djom glan wergel ko kotar phub sawestar, kai kamell gar te budrell, un dikom i drakengro them jekestar, koles tchi an o shero hi.

Gosewe laba 27:12

Koles i gosewo dji hi, kowa dikell i bibacht te well, un khatrell pes. Kolen tchi an o shero hi, kolla nashenn dureder, un i bibacht well ap lende.

Gosewe laba 5:1

Miro tchawo, de jak ap kol gosewe laba, hoi tuke penau! Shun ap kowa, hoi tuke pashel anau.

Gosewe laba 6:20

Miro tchawo, rike tut ap i laba tiro dadestar! Ma biste ko drom, hoi tiri dai tute sikras.

Gosewe laba 8:5

Haiwenn tumer tchi? Palle denn jak ap gosewe laba! Han tumer dinelo? Palle dikenn dren, hoi tumenge mishto hi!

Gosewe laba 9:16

“Koles tchi an o shero hi, kowa well pash mande!” Un ap koleste, kai narwelo hi, penell li:

Gosewe laba 9:4

“Kones tchi an o shero hi, kowa well kate pash mande!” Ap o narweleste, penell li:

Jeremia 4:22

O baro Dewel penell: Mire menshe hi diwjo, un patsenn man gar. Dinelo hi le, man prindjrenn le gar. Har dinele tchawe hi le, kai tchi haiwenn. Gosewo doha hi le, te krenn le tchilatchepen. Har jon latchepen krenna, djinenn le gar.

Mateo 15:16

Penas lo: Haiwan tumer kowa witar gar?