Gosewe laba 7:12 - O Debleskro Drom 2021 (Sinte)

¹² Ap i dromma, ap i platse un kote, kai i dromma khetne wenna was li diklo, har rodell li pal jekeste.

O Debleskro Lab 2024 (Sinte-Manouche)

¹² Ap i dromma, ap i platse oun kote, kay i dromma khetne venna vas li diklo, har rodell li pal yekeste.

Gosewe laba 7:12 ပူးပေါင်းရင်းမြစ်များ

Gosewe laba 23:28

Jon hi har tchorepangre, kai lurenn khatemen pash o drom, un anenn bud murshen jaake dur, te chochenn le pengre romjen.

Gosewe laba 7:8

Job djas ap o drom kote, kai i dromma khetne wenna pash i kheer, kai i djuwel djiwell.

Gosewe laba 9:14

Glan o wudar peskro kherestar hi li beshdo, pral ap i platsa an o foro.

Jeremia 2:20

O baro Dewel penell: Hako tsiro hadal tut pral mande, un kamal mange gar palla te djal. Tu penal: Me kamau kek rai pral mande. Un tchiwal tut koi har i lubni ap i berga tel hako senelo ruk.

Jeremia 2:33

Har sik hatseh tu i drom, te less tuke i wawar pirnes! Un jaake djas tu pale te pale ap tchilatche dromma.

Jeremia 2:36

Har sik djal tu kai te koi, te rodess tuke menshen, kai krenn pen tuha khetne? O them Egiptia nai well tut gar feteder ap i rig har o them Assur.

Jeremia 3:2

Ap hawi berga hals tu gomme gar i mursheha tchiddo? Ap o drom hal tu beshdo, un lureh ap lende, har i Arabari an o mulo tato them. Un tu kreh ko them pale-tchiddo tiro wi-ladjedo un djungelo koweha.

Ezekiel 16:31

Kote kai i dromma khetne wenn, un ap haki platsa kral mangepaskre platse, kai chochene deblen an-mangal. Un tu hals gar har wawar lubja: Tu kamal kek lowe koleske, hoi kral.

Debleskro tsiro 18:23

I tsele momlia djan win. Un kek krella pale i momeli an. Tu shuneh buder kek pirno peskri pirnjah khelell un giwell. I bikepangren un i parepangren an ko foro his bud penepaske ap kai phub. Un ko bengeskro koowa, hoi kran le an o foro, anas i menshen an i tsele themma ap o bengeskro drom.

Debleskro tsiro 18:3

I Babilon tserdas i menshen an hake themma an bipandlo un wi-ladjedo koowa. Kowa his har mool, hoi i menshe pijan. Un i bare raja ap kai phub tchiwan pen lah khetne. Un i bikepangre un i parepangre wan brawelo dran lakro brawlepen.”