Gosewe laba 6:3 - O Debleskro Drom 2021 (Sinte)

³ Palle hal tu an o wawareskro wast, miro tchawo. Kanna kre lauter, te wess pale win! Dja pash leste, rake ap leste dren! Muk gar tele, te mangess lestar, te mukell lo tut win.

O Debleskro Lab 2024 (Sinte-Manouche)

³ Palle hal tou an o vavareskro vast, miro čavo. Kanna kre lauter, te vess pale vin! Dja pash leste, rake ap leste dren! Mouk gar tele, te mangess lestar, te moukell lo tout vin.

Gosewe laba 6:3 ပူးပေါင်းရင်းမြစ်များ

2. Samuel 24:14

Un o David penas ap o Gad: “Man hi bari traash. Muk men an o baro Debleskro wast te perell! Leskro kamlepen hi baro. Me kamau gar an i menshengro wast perell.”

2. Familjakro liil 12:5

Un o Debleskro rakepaskro, o Shemaja was pash o Rehabeam un pash kol pralstunende pral o them Juda. Kolla wan halauter khetne an o foro Jerusalem, har shunan le, kai well o Shishak. Un o Shemaja penas ap lende: “Kawa penell o baro Dewel: Tumer mukan man; doleske mukom me tumen ninna, un dom tumen an o wast o rajestar Shishak.”

2. Familjakro liil 36:12

Un job kras, hoi djungeles hi glan i jaka o baro Deblestar, kai leskro Dewel his, un kras pes gar tiknes glan o Debleskro rakepaskro, o Jeremia, har kowa leha rakras, un leske penas, hoi o baro Dewel leske an o mui tchiwas.

Debleskri gili 31:8

Miro dji sal un me stau i bachtjatar pral tiro latchepen. Tu dikal, har mange djungeles djas, un djinal, har pharo miro djipen his.

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

Gosewe laba 6:2

Pandal tut tiro labeha? Hal tu pandlo an tiro rakepen, hoi dran tiro mui was?

Gosewe laba 6:4

Rode kek sopen! Muk tire jaka gar dren te sowell!

Jakobo 4:10

Witsrenn tumen tele glan o Debleste! Un job krell tumen bares.