Gosewe laba 6:25 - O Debleskro Drom 2021 (Sinte)

²⁵ Muk tiro dji gar lakro shukapen palla te nashell! Muk tut gar lakre shukar jakentsa te taprell!

O Debleskro Lab 2024 (Sinte-Manouche)

²⁵ Mouk tiro dji gar lakro shoukapen palla te nashell! Mouk tout gar lakre shoukar yakentsa te taprell!

Gosewe laba 6:25 ပူးပေါင်းရင်းမြစ်များ

2. Rajengro liil 9:30

Har o Jehu an o foro Jesreel was, un i Isebel kowa shunas, kras joi peskre jaka shukar un peskre balla ap o shero railes, un dikas dran i wochni win.

Hiob 31:1

Me djom i sowel mire jakentsa dren, te dikap gar lubekanes i terni tchake palla.

Kamlepaskri gili 4:9

Tu tchoral mange miro dji, hejo, miri pirni. Tu tchoral mange miro dji tire jakentsa, har dikal ap mande, un jek werkliah, hoi trul tiri meen pandlo hi.

Jesaja 3:16

Un o baro Dewel penas: Dikenn, har pre-phurde jon hi, kol djuwja an o foro Jerusalem! Lengre sherja hidjrenn le pre, witsrenn pengre jakentsa trujel, te dikenn len hakeno. Jon khelenn pash o naashepen. Lengre pire hadenn le jaake, te bashrenn kol werklia, hoi le trul pengre pire tchiwan.

Jeremia 4:30

Jerusalem, tu hal dino! Hoi kreh tu? Tu riweh kutch lole koola ap tute, tchiweh sonakai ap tute, un makeh tire jaka an. Tu kreh tut shukar tchitcheske! Tire pirne kamenn tut gar buder, un kamenn tut mulo te dell.

Ezekiel 23:40

Ninna bitchran le bitchepangre pash wawar murshende, te wenn jon dran dur themma pash lende. Un, awa, jon wan! Un lenge thowan tumen, un kran tumare jaka shukar, un tchiwan sonakai ap tumende.

Mateo 5:28

Me penau tumenge: Koon ap i wawareskri romjate dikella, te sowell lo lah, kowa chochras peskri romjat an peskro dji.

5. Mose 5:21

Ma rode gar, har nai less tu kowa tuke, hoi i wawares hi: leskri romni, leskro kheer, leskri phub, leskro budepaskro, budepaskretsa, grumni, burika, tchi, hoi i wawares hi.