Gosewe laba 6:23 - O Debleskro Drom 2021 (Sinte)

²³ Kowa, hoi tiro dad un tiri dai tuke pashel anan, hi har i momeli ap tiro drom. Te denn le tut trad, rikrenn le tut ap o drom, hoi o djipen anell.

O Debleskro Lab 2024 (Sinte-Manouche)

²³ Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

Gosewe laba 6:23 ပူးပေါင်းရင်းမြစ်များ

1. Mose 39:8

Job kamas kowa gar un penas ap late: “Dik, miro rai dikell ap tchi an peskro kheer, jaake rah har me koi hom. Lauter krau me. Un hoi les hi, das job an miro wast.

Debleskri gili 119:105

Tiro lab hi har i momeli, hoi sikrell, kai te djap, awa, i momeli ap miro drom.

Debleskri gili 119:130

Te haiwah tiro lab, palle krell men kowa bachtelo, un ninna kolla, kai tchi djinenn, wenn gosewo.

Debleskri gili 141:5

Latche menshe mu denn man i phagi, un tchingrenn mantsa an o latchepen. I tchilatchendar kamau gar, te sharenn le man. Un me mangau o Deblestar, te krenn le mange kek tchilatchepen.

Debleskri gili 19:8

O baro Debleskre laba hi lauter tchatcho un krenn mare djia sorelo. O baro Debleskro rakepen hi latcho, un krell i dinelen gosewo.

Gosewe laba 10:17

Kowa, kai shunell ap koleste, kai dell les trad, kowa djal ap o drom, hoi anell o djipen. Kowa, kai kamell gar te shunell, hi ap i drom, kai djal lo nashedo.

Gosewe laba 15:24

Kowa, kai haiwell, hoi mishto un gar mishto hi, koleske djal peskro drom pre an o djipen. Un job rikrell pes pale o dromestar, kai djal tele pash i mulende.

Gosewe laba 15:31

Te shuneh ap jekeste, kai penell tuke, hoi tuke mishto hi, palle hal mashkral i gosewende.

Gosewe laba 29:15

Te lell i tchawo i phagi un well leske penlo, hoi lo gar mishto kras, palle well lo gosewo. I tchawo, kai ap peste kokres jak hunte dell, sawo anell ladj ap peskri date.

Gosewe laba 3:18

Har i ruk, hoi o djipen dell, hi o goswepen hakeneske, kai les an peste pre-lell. Bachtele hi lauter, kai o goswepen an pengre djia rikrenn.

Gosewe laba 4:13

Atch pash kowa, hoi tuke siklo was, muk kowa gar! Rike tut ap kol gosewe laba! Dran lende well tut i latcho djipen.

Gosewe laba 4:4

kote sikras lo man, har te djiwap, un penas: An tiro dji le mire laba pre un biste len gar! Rike ap mire laba, palle djiweh.

Gosewe laba 5:12

un peneh: “Har dinelo homs, har dom gar jak, hoi mange penlo was. Hoske shunom gar ap koleste, kai das man trad?

Sikepaskro 7:26

Un me hatsom tchomone, hoi shutleder hi har o merepen, – i djuwel, kai i murshen taprell; kolakro kamlepen hi har dorja, kolentsa len pandell li; lakre mussja, hoi le trul lende tchiwell hi har shelle. I mursh, kai mishto hi glan o Debleskre jaka, kowa nai nashell peske latar; o dinelo well latar tapedo.

Sikepaskro 7:5

O mensheske hi feteder te shunell lo ap i goseweste, kai tchingrell leha, har te shunell lo ap i gilja, kolentsa i dinele les sharenn.

Jesaja 8:20

Rikrenn tumen ap o Debleskro drom, un ap kowa, hoi job tumende sikrell! Te penenn i menshe tumenge wawar koowa, palle well lenge kek momeli ap lengro drom.

Jeremia 21:8

Un ap kal menshende an o foro Jerusalem pen: Kowa penell o baro Dewel: Tumer nai rodenn tumenge win, hoi kamenna: o djipen oder o merepen.

Ezekiel 20:11

Un kote penom lenge, hoi lendar kamau, har te djiwenn le pal miro tchatchepen. Miro tchatchepen hi kowa, koleha i mensho djido atchell, te rikrell lo pes ap leste.

3. Mose 19:17

Te choiral tut pral jekeste tire menshendar, ma hidje tiri choli tuha trujel. Pen leske, hoi lo gar mishto kras, te aness kek doosh ap tute.

2. Petro 1:19

Doleske djinah mer tchatchepah, kai kowa tchatcho hi, hoi o Debleskre rakepangre penan. Tumer krenna mishto, te denn garda koi pre. Ko lab hi har i momeli, hoi chatchella an i rat, bis te well o diwes. Palle djal i raili momeli an tumare djia pre.

Debleskro tsiro 2:5

Mukenn tumenge kowa an o shero te djal, har dur tumer mandar tele peran. Awenn pale o tselo djijeha pash mande! Djiwenn ko djipen, hoi djiwan, har tumaro patsepen ap mande terno his. Te krenn kowa gar, palle wau, un lau tumari momeli krik, un tchiwrau lat ap i rig.