Gosewe laba 6:19 - O Debleskro Drom 2021 (Sinte)

¹⁹ jek, kai tchomone ap i wawareste pre anell, hoi gar tchatcho hi; jek, kai anell tchingepen mank phralende.

O Debleskro Lab 2024 (Sinte-Manouche)

¹⁹ yek, kay čomone ap i vavareste pre anell, hoy gar čačo hi; yek, kay anell čingepen mank phralende.

Gosewe laba 6:19 ပူးပေါင်းရင်းမြစ်များ

Debleskri gili 27:12

Ma de man an lengre wasta! Dik, menshe hi koi, kai chochepen ap mande pre anan, un ladjenn pen gar, te denn le man trad.

Debleskri gili 35:11

Chochene wenna, un anenn doosh ap mande. Jon putchenn mandar, hoi me gar djinau.

2. Mose 20:16

Ma an kek chochepen pre ap jekeste!

2. Mose 23:1

Tu rakress kek koowa dureder, hoi tu shunal, un tu gar djineh, te hi kowa tchatcho! Ma choche i wawareske, kai anas doosh ap peste!

Gosewe laba 12:17

I mursh o labestar rakrell o tchatchepen win. I chocheno, kai dell glan, te penell lo, hoi lo dikas un shunas, anell chochepen pre.

Gosewe laba 14:5

Te penell i mursh o labestar, hoi lo dikas un shunas, rakrell lo o tchatchepen. Te penell i chocheno, hoi lo dikas un shunas, anell lo chochepen pre.

Gosewe laba 16:28

I midjak mensho anell tchingepen. Un kowa, kai djungelo koowa pral wawarende rakrell, krell, te tchingrenn pen latche mala.

Gosewe laba 19:5

Kowa, kai chochras, har penas lo, hoi lo dikas un shunas, kowa lell peskri phagi. Un kowa kai chochepen pre anas, kowa well tapedo un nai nashell gar peske.

Gosewe laba 19:9

Kowa, kai chochras, har penas lo, hoi lo dikas un shunas, kowa lell peskri phagi. Un kowa hoi chochepen pre anell, kowa nashrell peskro djipen.

Gosewe laba 21:28

Kowa, kai chochras, har penas lo, hoi lo dikas un shunas, ap koleskro shero well leskro chochepen pale. Ko mursh, kai mishto shunas, hoi leske penlo was, koles mukenn le rakrell, un hoi job penell, atchell lenge an o shero.

Gosewe laba 22:10

Trade ko pre-phurdes win, kai sal pral halauter. Palle djal o tchingepen leha. Un kol tchilatche laba un o praassepen djan ninna krik.

Gosewe laba 25:18

Kowa, kai ap i wawareste chochepen pre anell, sawo hi har i tower, un i charo, un tchinell har i tchuri.

Gosewe laba 26:20

Kote, kai buder kek kasht hi, kote djal i jag win, un kote, kai kek buder hi, kai chochepen ap wawarende pre anell, kote djal o tchingepen krik.

Gosewe laba 6:14

An peskro dji hidjrell lo tchilatchepen, un hako tsiro anell lo tchingepen.

Gosewe laba 8:13

Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

Mateo 15:19

Dran o mensheskro dji well o tchilatcho koowa, hoi an leskro shero trujel djal. Dran leskro dji well, te dell lo i wawares mulo. Te chochell i mursh peskri romjat, well kowa dran leskro dji. Te chochell i djuwel peskro romes, well kowa dran lakro dji. Dran o dji wella o wi-ladjedo koowa, o tchorepen, o chochepen, un o praassepen.

Mateo 26:59

Un i bare rashaja un i tsele pralstune bibolde rodan murshen, kai anenn chocheno koowa ap o Jesuseste, te nai marenn le les.

Bičepangre 6:13

Kolla, kai chochepen ap leste pre anan, kolla penan: “Kau mursh mukell gar tele te rakrell lo djungele laba pral o Debleskro baro kheer un pral o Moseskre laba.

2. Timoteo 2:23

Te tchingrenn i menshe pral i laba, ma muk tut an ko dinelo rakepen dren tserdell, hoi tchi molella! Tu djineh, kowa anell tchingepen.

Jakobo 3:18

Kolla, kai lenn o tchingepen mank i menshende krik, kolendar well latcho koowa, kai atchell hako tsiro.