Gosewe laba 6:17 - O Debleskro Drom 2021 (Sinte)

¹⁷ jaka, kai dikenn tele ap i wawarende; i mui, hoi rakrell chochepen; wasta, hoi marenn sawen, kai kek tchilatchepen kran;

O Debleskro Lab 2024 (Sinte-Manouche)

¹⁷ yaka, kay dikenn tele ap i vavarende; i mouy, hoy rakrell rhorhepen; vasta, hoy marenn saven, kay kek čilačepen kran;

Gosewe laba 6:17 ပူးပေါင်းရင်းမြစ်များ

2. Rajengro liil 21:16

Ninna mukas o Manasse bud menshen te marell, ap kolende kek doosh his. An o foro Jerusalem nashas lengro rat har pani. Koi pashel was koi doosh, hoi lo ap o them Juda anas, har anas lo i menshen ap i tchilatcho drom, kai kran le, hoi gar mishto hi an o baro Debleskre jaka.

2. Rajengro liil 24:4

un maras bud sawen, kai kek tchilatchepen kran, un anas lengro rat pral peste. Un o tselo foro Jerusalem his pherdo rat. Kau koowa kamas o baro Dewel gar te bistrell.

Debleskri gili 10:4

O tchilatcho rikrell o nak pral un penell peske: O Dewel putchell gar palla. Lauter, hoi leske an o shero trujel djala, hi: Dell kek Dewel.

Debleskri gili 101:5

Koon rakrell tchorchanes djungelo koowa pal o dumo kolendar, kai trul leste hi, koles pandau leskro mui. Kamau koles gar, kai pre-phurdo hi, un ap wawar menshende tele dikell.

Debleskri gili 131:1

I gili o Davidestar te giwell ap o drom an Jerusalem. Baro Dewel, me hom gar pre-phurdo, un mire jaka dikenn gar tele ap i wawarende. Me kamau gar baro koowa, witar gar sawo koowa, hoi dur pral mande hi.

Debleskri gili 18:27

Tu hal latcho ap koleste, kai hi latcho ap i wawarende un hal gosweder har kowa, kai ap bange dromma djal.

Debleskri gili 31:18

Baro Dewel, muk man gar tchitcheske gole te dell ap tute! Kre, te ladjenn pen i tchilatche! Jon mu djan tele un merenn! Palle nai rakrenn le buder gar,

Debleskri gili 5:6

Kol pre-phurden kameh tu gar glan tire jaka te dikell, un tu choireh tut ap hakeneste, kai i wawarenge tchilatchepen krella.

Debleskri gili 5:7

Tu mareh kolen, kai o chochepen rakrenna. Praassedo hi glan o baro Debleste kolla, kolen doosh ap o rat i wawarendar hi, un kai i wawaren chochenn.

Gosewe laba 1:11

Jon nai penans: “Am mentsa! Mer lurah jekes pre un marah les. Mer nai hatsams sawen, kai kek tchilatchepen an lengro shero hi. Kolen lah palla, te well men tchomone sapaske.

Gosewe laba 1:16

Jon denn an i herja, te krenn le tchilatchepen. Sik nashenn le, te marenn le menshen.

Gosewe laba 12:22

O baro Dewel dikell chojedes ap kolende, kai chochenna. Latches dikell job ap kolende, kai krenn o tchatchepen.

Gosewe laba 14:5

Te penell i mursh o labestar, hoi lo dikas un shunas, rakrell lo o tchatchepen. Te penell i chocheno, hoi lo dikas un shunas, anell lo chochepen pre.

Gosewe laba 16:5

O baro Dewel dikell chojedes ap hakeneste, koles i pre-phurdo dji hi. O wast pre, kowa lell peskri phagi.

Gosewe laba 17:7

Kowa djal gar, te krenn i narwele bare un shukar laba. Witar gar djal, te rakrell i an-diklo mursh chochepen.

Gosewe laba 21:4

I tchilatchen hi i pre-phurdo dji un jaka, hoi tele dikenn ap i wawarende. Kowa hi lengri doosh.

Gosewe laba 26:28

Kowa, kai chochepen rakrell, kamell o wawareske tchilatchepen te krell un les dukrell. Un kowa, kai gudle labentsa rakrell, anell i bibacht.

Gosewe laba 28:17

I mensho, kai i wawares mulo das, kowa atchell ap o naashepen, jaake rah har djiwell lo. Kek te rikrell les pre!

Gosewe laba 30:13

Hi menshe koi, kai patsenn pendar, har latcho jon hi, un dikenn tele ap hako wawareste.

Gosewe laba 6:16

Shob koowa hi, ap kolende dikell o baro Dewel chojedes; un i eftato koowa hi leske o djungleder:

Jesaja 1:15

Un te hadenn tumer tumare wasta pre, te mangenn man an, palle tchakrau me mire jaka tele, te dikap tumen gar. Un ninna te mangenn mandar pale te pale, me shunau tumen gar: Tumare wasta hi pherdo rat.

Jesaja 2:11

Hakeno, kai dikell tele ap o wawareste, hunte dikell tele glan peste i ladjatar. Un i pre-phurde menshe wenn phagedo. Ap ko diwes hi kokres o baro Dewel baro.

Jesaja 3:16

Un o baro Dewel penas: Dikenn, har pre-phurde jon hi, kol djuwja an o foro Jerusalem! Lengre sherja hidjrenn le pre, witsrenn pengre jakentsa trujel, te dikenn len hakeno. Jon khelenn pash o naashepen. Lengre pire hadenn le jaake, te bashrenn kol werklia, hoi le trul pengre pire tchiwan.

Jesaja 3:9

O tchilatchepen dikell dran lende win. Un jon anenn doosh ap pende un kolah sharenn le pen ninna gomme, jaake har kol menshe an o foro Sodom ninna kran. I bibacht well ap lende, koja anenn jon kokres pengro djungelo djipah pral pende!

Jeremia 26:15

Djinenn! Te marenn man, marenn tumer jekes, kai kek doosh ap leste hi, un anenn miro rat ap tumende un ap kau foro un kolende, kai dren djiwenn. Tchatchepah, o baro Dewel bitchras man pash tumende, te penap kawa lauter glan tumare kanda.”

Johanni 8:44

Tumaro dad hi o beng. Un tumer krenna, hoi tumaro dad ninna kamella. Job hi jek, kai marell i menshen hako tsiro. Un job hi gar an o tchatchepen tardo. O tchatchepen hi gar an leste. Te rakrell job o chochepen, well kowa dran leste. Job hi i chocheno, un anas o chochepen ap kai phub.

5. Mose 19:10

Jaake hi tumen doha forja kai nai nashell jek dren. Un jaake krenn tumer, te well an tumaro them, hoi tumaro baro Dewel tumenge dell, kek mensho maredo, ap koleste kek doosh hi. Te wals sawo mensho maredo, anans bari doosh ap tumende.

5. Mose 27:25

“Praassedo well kowa, kai i wawarestar lowe lell, te dell lo koleske i wawares mulo, ap koleste kek doosh hi.” Un i tsele menshe hunte penenn: Amen!

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.