Gosewe laba 5:22 - O Debleskro Drom 2021 (Sinte)

²² O tchilatcho koowa pandell koles, kai kowa krella. Leskri doosh hi har shelle, hoi les pandenn.

O Debleskro Lab 2024 (Sinte-Manouche)

²² O čilačo koova pandell koles, kay kova krella. Leskri doosh hi har shelle, hoy les pandenn.

Gosewe laba 5:22 ပူးပေါင်းရင်းမြစ်များ

1. Rajengro liil 18:18

Job penas: “Gar me anom o Israel an i bibacht dren. Kowa hal tu un tiro dadeskro kheer. Tumer mukan i laba o baro Deblestar un nashan ko debleske palla, kai kharella Baal.

Ester 9:25

An ko liil his ninna tardo, har i Ester pash o baro rajeste djas un har kowa an i liil penas, te well o Hamaneha ko tchilatcho koowa kerdo, hoi job kamas i biboldentsa te krell. Un jaake was o Haman un peskre tchawe ap i bare kashta pre bladedo.

Hiob 18:8

Leskre pire taprenn pen an i netsa, un job perell an i tchakedi gruba.

Debleskri gili 40:12

Baro Dewel, muk tiro dji hako tsiro mange pre te well! Tu kameh man un hal mange latches. Doleske rike tiro wast pral mande hako tsiro!

Debleskri gili 9:15

Palle djau an i wudja tiro forestar Zion dren, un rakrau lauterentsa pral ko latchepen, hoi tu ap mande kral, un sharau tut i bachtelo djijeha, kai tu man dran i bibacht win lal.

Debleskri gili 9:17

O baro Dewel sikras, koon job hi, un das i tchilatchende pengri phagi. I tchilatche pandan pen an koi netsa, hoi jon pengre wastentsa kran.

Gosewe laba 1:18

Hi gar jaake kal murshentsa: Jon kamenn i wawaren te marell, un haiwenn gar, te perenn le kokres an pengri netsa.

Gosewe laba 11:3

Lengro djudjo dji anell i latchen ap o tchatcho drom. Ko midjak koowa, hoi i phukepangre krenn, well ap lende pale un phagell len.

Gosewe laba 11:5

Ko tchatcho koowa, hoi o Debleskre menshe krenna, krell lengre dromma tchatcho. Ko tchilatcho nashrell pes an peskro tchilatcho koowa.

Gosewe laba 11:6

Ko tchatcho koowa, hoi o Debleskre menshe krenna, lell len win dran o merepen. I phukepangre wenn tapedo an pengri bok pal i lowe.

Gosewe laba 12:14

Koon latchepen rakrella, djiwell ninna latches. I mensho lell pale, hoi lo peskre wastentsa krell.

Gosewe laba 14:32

O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

Gosewe laba 18:7

O rakepen o dinelestar anell les an i bibacht. Un job taprell pes kokres an peskre laba.

Gosewe laba 24:12

Te peneh tu: Mer djinam kowa gar! Palle djiness: Kowa, kai an i djia dikell, haiwell les. Un kowa, kai ap tiro djipen jak dell, kowa djinell les. Un job dell o menshes kowa pale, hoi lo kras.

Gosewe laba 26:27

Kowa, kai i wawareske i gruba win hadas, kowa perell kokres dren. Un jek, kai witsrell i bar, ap koleste perell lo pale tele.

Sikepaskro 7:26

Un me hatsom tchomone, hoi shutleder hi har o merepen, – i djuwel, kai i murshen taprell; kolakro kamlepen hi har dorja, kolentsa len pandell li; lakre mussja, hoi le trul lende tchiwell hi har shelle. I mursh, kai mishto hi glan o Debleskre jaka, kowa nai nashell peske latar; o dinelo well latar tapedo.

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

Ropaskre gilja 1:14

Ko bud tchilatcho koowa, hoi krom, hi phares ap mande tchiddo. O baro Dewel tchiwas les ap mire phika. Un me phagom khetne tel kowa. O baro Dewel das man an i wasta kolendar, kai nai wau kokres buder gar win.

Obadja 1:15

O diwes well sik, kai well miri choli pral i tsele themma ap kai phub, penell o baro Dewel. Jaake har tu kral, jaake well tuke kerdo. Kowa hoi tu kral, well ap tiro shero pale.

4. Mose 32:23

Te kamenn tumer kowa gar te krell, palle lenn i doosh ap tumende glan o baro Debleste. Un kowa dikenn tumer, te well koi phagi ap tumende.

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.

Čačepangre 20:41

Un i mursha dran Israel nashan buder gar lendar krik un rissran pen. Koi tapras i Benjaminarja i bari daar. Un jon haiwan, te was i bibacht pral lende.

Čačepangre 9:57

Un ninna o tchilatchepen, hoi i mursha dran o foro Sichem kran, mukas o Dewel ap lengre shere pale te well. Un jaake was koi bibacht pral lende, hoi o Jotam win rakras, koleskro dad o Gideon hi.