Gosewe laba 4:23 - O Debleskro Drom 2021 (Sinte)

²³ De jak ap kowa, hoi patseh dur an tiro dji! Kolestar well o djipen.

O Debleskro Lab 2024 (Sinte-Manouche)

²³ De yak ap kova, hoy patseh dour an tiro dji! Kolestar vell o djipen.

Gosewe laba 4:23 ပူးပေါင်းရင်းမြစ်များ

2. Rajengro liil 10:31

O Jehu rikras pes gar peskro tselo djijestar ap i laba o baro Deblestar, kai o Israeleskro Dewel hi. Job mukas gar kol chochene deblen, hoi o Jerobeam kras, un kolentsa job i Israelitarjen o Debleskro dromestar tele anas.

Gosewe laba 11:16

I kamli djuwel well sharedo. Un i mursh, kai haiwell pes te kurell, well brawelo.

Gosewe laba 13:3

Kowa kai ap peskro rakepen jak dell, kowa dell jak ap peskro djipen. Koles i baro mui hi, kowa tserdell bibacht ap peste.

Gosewe laba 16:17

Kolla, kai ap o tchatcho drom djan, atchenn dur krik o tchilatchepastar. Koon jak dell, hawo drom job djal, kowa dell jak ap peskro djipen.

Gosewe laba 22:5

O drom, kai i tchilatche djana, hi pherde subjengre burra un shelle, kai nai stakrenn le dren. Kowa, kai ap peskro djipen jak dell, djal kote gar.

Gosewe laba 23:19

Shun, miro tchawo un ab gosewo, un dja o djijestar o tchatcho drom!

Gosewe laba 28:26

Dinelo hi kowa, kai krell kokres, hoi peskro dji leske penell. Koon djiwell goswepah, well dran i bibacht win lino.

Gosewe laba 3:21

Miro tchawo, muk o goswepen gar dran tire jaka! Rike tut ap kowa, hoi mishto un gosewo hi!

Gosewe laba 4:7

O feteder koowa, hoi nai leh, hi o goswepen. Doleske kre lauter, te less les!

Sikepaskro 5:13

Un i bibacht well un jon nashrenn halauter. Un te hi i tchawo koi, atchell leske tchi an o wast.

Jeremia 17:9

Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Mateo 15:18

Te penell i mensho tchilatche laba, wenn kolla dran leskro dji win. Un kol tchilatche laba krenn o menshes pale-tchiddo.

Mateo 15:19

Dran o mensheskro dji well o tchilatcho koowa, hoi an leskro shero trujel djal. Dran leskro dji well, te dell lo i wawares mulo. Te chochell i mursh peskri romjat, well kowa dran leskro dji. Te chochell i djuwel peskro romes, well kowa dran lakro dji. Dran o dji wella o wi-ladjedo koowa, o tchorepen, o chochepen, un o praassepen.

Markus 14:38

Ma sowenn dren! Mangenn o Deblestar, te perenn gar miro dromestar tele! Tumen kokres hi kek soor, te atchenn pash mande, ninna te kamell kowa tumaro dji.”

Louka 6:45

Dran i latcho mensheskro dji well latcho koowa. Dran i tchilatcho dji well tchilatcho koowa. I mensho penell kowa, hoi an leskro dji dren hi.

5. Mose 4:9

Denn soreles jak ap tumende, te bistrenn gar – jaake rah har djiwenn, – hoi tumare jakentsa dikan! Un penenn tumare tchawenge un lengre tchawenge,

Hebrearja 12:15

Denn jak, te tchiwell kek o Debleskro latchepen ap i rig! Denn jak, te djal kek tchilatcho rakepen mashkral tumende trujel, un krell o patsepen bud patslendar paash! Sawo rakepen hi har i tchilatcho chuchur, hoi krell kolen nasselo, kai les chana.