Gosewe laba 4:19 - O Debleskro Drom 2021 (Sinte)

¹⁹ O drom kolendar, kai o tchilatchepen krenn, hi har i kali rat; jon nai dikenn gar, pral hoi jon perenn.

O Debleskro Lab 2024 (Sinte-Manouche)

¹⁹ O drom kolendar, kay o čilačepen krenn, hi har i kali rat; yon nay dikenn gar, pral hoy yon perenn.

Gosewe laba 4:19 ပူးပေါင်းရင်းမြစ်များ

Hiob 12:25

Har korele rikrenn le pengre wasta win, te hatsenn le pengro drom an i kali rat, kai kek momeli hi, un har i mate nashrenn le pen.

Hiob 18:18

I phubjatar, kai i djide djiwenn, was lo tradedo an ko tamlo them, kai i mule hi.

Hiob 5:14

Pral o diwes mukell lo len an o tamlepen te nashell, un mashkral diwes dikenn le pengro drom gar, har te wals rati.

Debleskri gili 82:5

Tumer mukenn tumenge tchi te penell. Dinele han tumer, un djan tumaro drom, har te wals kali rat, kai dikenn tchi. Doleske dell kek tchatchepen buder ap kai phub.

Gosewe laba 2:13

un o tchatcho drom mukan, un i djipen an o tchilatchepen djiwenn.

Gosewe laba 22:5

O drom, kai i tchilatche djana, hi pherde subjengre burra un shelle, kai nai stakrenn le dren. Kowa, kai ap peskro djipen jak dell, djal kote gar.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Jeremia 23:12

Doleske well ko drom, kai le djan har i sapeno drom an o tamlepen, kai wenn le tradedo un perenn. Me mukau bibacht pral lende te well an ko tsiro, kai dau len i phagi. Kowa penell o baro Dewel.

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

Mateo 7:23

Palle penau lenge: Me prindjrau tumen gar. Djan mandar, tumer tchilatche!

Johanni 11:10

An i rat chatchell o kham gar. Koon an i rat ap o drom hi, kowa perella.”

Johanni 12:35

Penas o Jesus ap lende: “Koi momeli hi gar buder rah pash tumende. Djan tumaro drom jaake rah, har koi momeli pash tumende hi, te well gar i rati pral tumende! Koon an i rati djala, djinell gar, kai job djala.

1. Johanni 2:11

Koon peskro phraleske tchilatchepen krella, kowa djiwell har an i kali rat, un djal i drom, kai dikell lo nai gar. Job djinell gar, kai job djala. An i rat hi lo, har te wals lo korelo.

1. Samuel 2:9

O baro Dewel rikrell kolen ap o tchatcho drom, kai leskre hi. Un kolla, kai kamenn lestar tchi te djinell, perenn an o tamlepen un merenn. Kek mensho well pestar sorelo.