Gosewe laba 4:18 - O Debleskro Drom 2021 (Sinte)

¹⁸ O drom kolendar, kai o tchatchepen krenn, hi har o kham, hoi taissarlakro pre djal, un o diwes anell un sorleder well bis te hi lo pralstunes tardo.

O Debleskro Lab 2024 (Sinte-Manouche)

¹⁸ O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Gosewe laba 4:18 ပူးပေါင်းရင်းမြစ်များ

2. Samuel 23:4

kowa hi har o kham, kai djal pre taissarlakro, ap i diwes, kai kek wolke hi. Kowa hi har ko senlepen, hoi well pal o brishino dran i phub win.”

Hiob 11:17

Un pral tiro djipen djal o kham pre, un hi sorelo har mashkral diwes. Ninna te hi kanna tamlo, well i newo diwes.

Hiob 17:9

Jek, kai an o tchatchepen tardo hi, mukell gar tele peskro dromestar. Un koon i djudjo djipen djiwell, well sorleder un sorleder.”

Hiob 23:10

Job djinell hawo drom me djau. Dikals lo palla, har djiwau, hatsals lo win, te hom djudjo har sonakai.

Debleskri gili 84:7

Te djan le an o tato them, nashell kote pani lenge win. Un o brishin mukell lauter senelo un baro te well.

Debleskri gili 97:11

I momeli djal pre koleske, kai an o tchatchepen tardo hi. Un bachtelo well kowa, kai o tchatcho drom djal.

Gosewe laba 13:9

Koon an o tchatchepen tardo hi, hi har i momeli, hoi bachteles chatchell, un i tchilatcho har i momeli, hoi djal win.

Gosewe laba 15:24

Kowa, kai haiwell, hoi mishto un gar mishto hi, koleske djal peskro drom pre an o djipen. Un job rikrell pes pale o dromestar, kai djal tele pash i mulende.

Gosewe laba 2:20

Doleske dja tu o drom, kai i latche djana, un atch an o tchatchepen tardo.

Gosewe laba 2:9

Palle haiweh, hoi glan o Debleste mishto un tchatcho hi, har nai djah ap leskro drom, un djiweh i djipen, hoi an leskre jaka latcho hi.

Jesaja 26:7

Tu kreh kolenge, kai o tchatchepen krenn, o drom, un leh krik, hoi lenge an o drom tchiddo hi.

Daniel 12:3

Un kolla, kai haiwan o Debleskro drom, hi har i momeli ap o bolepen. Un kolla, kai sikran i wawarende o tchatcho drom, hi har i bolepangre momlia hako tsireske.

Hosea 6:3

Mer te das jak koi pre o tselo djijestar, te prindjras o baro Debles! Job wella! Kowa hi jaake tchatcho, har o kham hako diwes pre djala. Job wella, har i brishin pash mende wella, awa, har i brishin pal o wend i phub sapenes krella.

Mateo 5:14

Tumer han i momeli ap kai phub. Un i foro, hoi pral ap i berga hi, nai atchell gar khatedo.

Mateo 5:16

Jaake hunte wenn tumer har i momeli, hoi chatchell glan i menshende, te dikenn le, hawo latcho koowa tumer lauter krenna, un te sharenn le o Debles, kai hi tumaro dad an o bolepen.

Mateo 5:45

Jaake han tumer tchatchepah tchawe o baro Deblestar, kai hi tumaro dad an o bolepen. Job mukella o kham pre te djal kol tchilatchenge un kol latchenge. Un job dell brishin ap kolende, kai pal o tchatchepen djiwenna, ninna ap kolende, kai tchilatcho koowa krenna.

Johanni 8:12

Pale rakras o Jesus i menshentsa un penas: “Me hom koi momeli i menshenge. Koon mange palla djala, djal gar an o tamlepen. Me hom koi momeli, kai o djipen della.”

2. Korintarja 3:18

Mer lauter, kai patslo ham, dikah o Debleskro railepen jaake mishto, har te dikah an i dikepaskri. Kek diklo hi ap mare jaka tchiddo. Un har mer dikah ap leste, wah mer bud un budeder jaake, har job hi. Kowa krell o Debleskro Ducho an mende.

Filiparja 2:15

Jaake djiwenn tumer, har mishto hi. Un kek hatsell i doosh ap tumende. Tumer han o Debleskre tchawe, un djiwenn mashkral kol menshende, kai hi tchilatcho un nashran pen an bud dinelo koowa. Mashkral kolende han tumer har i momlia an i rati,

2. Petro 1:19

Doleske djinah mer tchatchepah, kai kowa tchatcho hi, hoi o Debleskre rakepangre penan. Tumer krenna mishto, te denn garda koi pre. Ko lab hi har i momeli, hoi chatchella an i rat, bis te well o diwes. Palle djal i raili momeli an tumare djia pre.

2. Petro 3:18

Djiwenn bud un budeder dran o latchepen, hoi maro rai, o Jesus Kristo, tumen della! Job las men win dran o tchilatchepen. Prindjrenn les bud un budeder! Sharedo well job kanna un hako tsiro. Amen.

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.

Debleskro tsiro 22:5

An ko foro well buder gar rati. Len hunte well kek momeli, witar gar o kham, te dikenn le. O baro Dewel hi lengri momeli. Un jon hi bare raja hako tsireske.

Čačepangre 5:31

Maro baro Dewel, jaake hunte merenn lauter, hoi tut gar kamenna. Kolla, kai kamenn tut o tselo djijestar, jon te wenna railo har o kham, har djal lo pre an peskri soor! Un pal kowa his an o them 40 (star-deesh) bersha kek kurepen.