14 Ma dja ap o drom, kai i tchilatche djan! Ma kre har jon!
14 Ma dja ap o drom, kay i čilače djan! Ma kre har yon!
Bachtelo hi kowa, kai shunell gar ap kowa, hoi i tchilatche penenna, Bachtelo hi kowa, kai djal gar kolentsa, kai mukan o Debleskro drom. Bachtelo hi kowa, kai beshell gar pash kolende, kai sanenn pral o Debleste.
I tchilatche, te penenn le: ‘Dik, hoi krah!’ Palle dja gar koi!
Miro tchawo, ma dja lentsa ap lengro drom! Rike tut krik lendar!
Kowa, kai khetne hi kolentsa, kai gosewo hi, kowa well ninna gosewo. Kowa kai i maal hi i dinelentsa, kowa well bibachtelo.
Palle nai djal tuke jaake, te weh har job, un pereh an i bibacht.
Ma silwe ap tchilatche menshende, ma rode lengro maal te well!
Muk lengro drom ap i rig tchiddo, ma dja ap leste! Risse tut lestar krik, un dja dureder!
Rike tiro drom dur krik latar! Ma dja pash o wudar lakro kherestar!
Job djas ap o drom kote, kai i dromma khetne wenna pash i kheer, kai i djuwel djiwell.
Ma dja kolentsa, kolen tchi an o shero hi! Palle djiweh. Dja kolentsa, kai gosewe hi!
Ma patsenn, kai lengro tchatcho hi! Ma krenn kowa, hoi jon krenna!