Gosewe laba 31:9 - O Debleskro Drom 2021 (Sinte)

⁹ Kre tiro mui pre, kre o tchatchepen jaake win, te lell hakeno peskro tchatchepen, ninna i tchorwele un bibachtele.

O Debleskro Lab 2024 (Sinte-Manouche)

⁹ Kre tiro mouy pre, kre o čačepen yaake vin, te lell hakeno peskro čačepen, ninna i čorvele oun bibarhtele.

Gosewe laba 31:9 ပူးပေါင်းရင်းမြစ်များ

2. Samuel 8:15

Jaake his o David baro rai pral o tselo them Israel, un kras, te lell hakeno peskro tchatchepen.

Hiob 29:12

Me wom ko tchorweleske ap i rig, kai ap mande gole das. Un ko tchawo, koleskro dad meras, un leske kek buder koi his, koleske homs me koi.

Debleskri gili 82:3

Dikenn, te lenn i tchorwele pengro tchatchepen, ninna kolla, kolen kek dad buder hi! Awenn ap i rig kolendar, kolen tchi hi un gar an-diklo hi, un dikenn, te lenn le pengro tchatchepen!

Gosewe laba 16:12

Te krenn bare raja tchilatcho koowa, hi kowa i djungelo koowa glan o Debleste. Te krenn le o tchatchepen, atchell lengri rajeskri beshepaskri soreles tardo.

Gosewe laba 20:8

I baro rai, kai o tchatchepen win rakrella pral i menshende, hatsell kolen win, kai tchilatcho hi.

Gosewe laba 29:7

Kowa, kai an o tchatchepen tardo hi, kowa dell ninna jak, te lell o tchorwelo peskro tchatchepen. I tchilatche djinenn gar, hoi tchatcho hi.

Jesaja 1:17

Dikenn, har te krenn o latchepen, denn jak, te lell hakeno peskro tchatchepen. Awenn ap i rig kolenge, kai tele rikedo wenn. Kol tchawe, kolen kek dai un kek dad hi, kolenge krenn o tchatchepen win. Un kol djuwja, kolenge o rom meras, kolengro koowa lenn an tumaro wast!”

Jesaja 1:23

Tire pralstune hadan pen pral mande un djan khetne i tchorepangre. Un hakeno lendar mukell pes te ginell. Un kol tchawe, kolen kek dai un kek dad hi, kolenge krenn le kek tchatchepen win. Un ko koowa kol djuwjendar, kolengro rom meras, mukenn le gar glan pende te well.

Jesaja 11:4

Na-a, job dell i tchorwelende pengro tchatchepen, un well kolenge ap i rig, kai gar an-dikle hi, te lenn jon pengro tchatchepen. Penell lo i sorelo lab, palle lenn i marepangre pengri phagi. Les hi i soor, te penell ap o tchilatcheste: “Tu hunte meress!”

Jeremia 21:12

Tumer dran o Davideskri familja! Kowa penell o baro Dewel: Hako diwes, te rakrenn o tchatchepen win, denn jak, te lell hakeno peskro tchatchepen! Un lenn kolen, kai wan tele rikedo, dran kol tchilatchengre wasta win! Te krenn kowa gar, well miri choli pral tumende, har i jag, kai nai krell kek win. Tumer kran jaake bud tchilatchepen!

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Jeremia 23:5

Ko diwes wella, penell o baro Dewel, kai mukau dran o Davideskri familja i mursh bares te well. Kowa hi an o tchatchepen tardo. Job well i latcho baro rai, un rikrell pes ap o Debleskro tchatchepen, un krell hoi mishto un tchatcho hi an o them.

Jeremia 5:28

Thullo un pesso hi le, un mukenn gar tele te krenn le tchilatchepen. O tchatchepen lenn le gar an o wast, te lenn kolendar pengro tchatchepen, kai tchorwelo hi, ninna kol tchawendar, kai len kek dad buder hi.

Daniel 4:27

kharas lo win: “Ake, o baro foro Babilon! Me tchiwom les pre miri bari sorjah, te well lo miro foro, kai hom baro rai. Lauter, kai dikenn les, sharenn miro railepen.”

3. Mose 19:15

Te well o tchatchepen win kerdo, palle de koles peskro tchatchepen, koles tchatcho hi! Ma tserde koles glan, kai tchorwelo hi, witar gar koles, kai brawelo hi. Hakeno hunte lell peskro tchatchepen.

Zakarie 7:9

Me, o baro Dewel, ko rai pral o bolepen un i phub, penom glan bud bersha mire menshenge: “Tumer hunte denn jak, te well o tchatchepen kerdo. Un hakeno hunte krell peskro dji pre peskro phraleske un well leske latches.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Johanni 7:24

Tumer te penenn, kai i mensho i doosh ap peste anas, palle djan pal o tchatchepen un gar pal kowa, hoi dikenn tumare jakentsa!”

5. Mose 1:16

Ap kal tchatchepangre murshende penom ko tsireske, hoi te krenn le, un penom: “Shunenn, hoi tumare phralen, kai tchingepen mashkral pende hi, tumenge penenna. Kowa nai well i tchingepen mashkral tumen Israelitarjen, nai well ninna i tchingepen mashkral jekeste tumare menshendar un jekeste dran i wawar them, kai pash tumende djiwell. Denn koles o tchatchepen, kai an o tchatchepen hi.

Hebrearja 1:9

O tchatchepen kamal tu, un o tchilatchepen dikeh glan i jaka nai gar. Doleske rodas tut tiro Dewel win, te wess tu bareder un bachtleder har kolla, kai pash tute hi.

Debleskro tsiro 19:11

Un me dikom, har o bolepen pre hi. Un kote his i parno grai. Un kowa, kai pre beshdo hi, kharella: Mursh labestar, kai rakrell o tchatchepen. Job te dell i menshen i phagi un kurell pes kolentsa, kai tchilatche hi, djal job pal o tchatchepen.

1. Samuel 19:4

Un o Jonatan rakras peskro dadeha un rakras latches pral o Davideste un penas: “Miro baro rai, an kek doosh ap tute un kre o Davideske tchi! Job hi tiro budepaskro un kras tuke kek tchilatchepen. Un lauter, hoi job kras, his tuke mishto.

1. Samuel 20:32

Un o Jonatan putchas peskro dadestar, o Saulestar: “Hoske hunte merell lo? Hoi kras lo?”