Gosewe laba 31:3 - O Debleskro Drom 2021 (Sinte)

³ Ma de tiri soor i djuwjenge! Ma dja ko drom, ap koleste i bare raja nashedo djan.

O Debleskro Lab 2024 (Sinte-Manouche)

³ Ma de tiri zoor i djouvyenge! Ma dja ko drom, ap koleste i bare raya nashedo djan.

Gosewe laba 31:3 ပူးပေါင်းရင်းမြစ်များ

1. Rajengro liil 11:1

O baro rai Salomo romedineras bud djuwjen dran wawar themma: koi tchai o baro rajestar pral o them Egiptia, ninna djuwja dran i themma Moab, Ammon, un Edom, dran o foro Sidon un i menshendar Het.

Nehemia 13:26

“Djinenn gar”, penom, “te kras o baro rai Salomo sawo koowa un anas doosh ap peste? Un an bud wawar themma, his kek baro rai har job his. Un o Dewel kamas les jaake, te kras lo, te well lo rai pral o tselo them Israel. Ninna les anan peskre romja dran kol wawar themma jaake dur, te anas lo doosh ap peste!

Hosea 4:11

Mool – phuri mool un newi mool – krenn, te haiwenn i menshe buder gar, hoi latcho un hoi tchilatcho hi.

5. Mose 17:17

Witar gar hunte lell peske tumaro baro rai bud djuwjen, te well leskro dji gar tele anlo o tchatcho dromestar. Ninna lell lo peske gar bud rup un sonakai khetne.