Gosewe laba 30:8 - O Debleskro Drom 2021 (Sinte)

⁸ Rike man pale, te chochap! Un ma kre, te wap tchorwelo un witar gar, te wap brawelo. De man kokres, hoi man hunte well o djipaske.

O Debleskro Lab 2024 (Sinte-Manouche)

⁸ Rike man pale, te rhorhap! Oun ma kre, te vap čorvelo oun vitar gar, te vap bravelo. De man kokres, hoy man hounte vell o djipaske.

Gosewe laba 30:8 ပူးပေါင်းရင်းမြစ်များ

1. Mose 28:20

Un o Jakob das pes sowel un penas: “Hi o baro Dewel mantsa un dell garda ap mande ap miro drom, kai me djau, un dell man chapaske un an-ripaske,

2. Rajengro liil 25:30

Un leske was dran o baro rajeskro wast hako diwes kowa dino, hoi les hunte well djipaske, jaake rah har job djiwas.

Hiob 23:12

Me rikrom man ap hako lab, hoi was dran leskro mui. Un rikrom halauter an miro dji, hoi lo rakras.

Debleskri gili 119:29

Rike man pale i chocheno dromestar! An tiro latchepen sike man, har te djap ap tiro drom.

Debleskri gili 119:37

Kre, te dikap gar ap kowa, hoi tchi moldo hi, un de man pale newi soor ap tiro drom!

2. Mose 16:15

Kawa dikan i Israelitarja un penan jek ap o wawareste: “Hoi hi kawa?” Jon djinan gar, hoi kowa hi. O Mose penas ap lende: “Kawa hi ko maro, hoi o baro Dewel tumenge bitchras.

2. Mose 16:18

Har jon palla dikan, har bud hakeno khetne las, his koles, kai bud khetne las, gar budeder har les hunte wals. Un koles, kai gar bud khetne las, his ninna doha. Hakenes his jaake bud, har les hunte well chapaske.

2. Mose 16:29

Dom me, o baro Dewel, tumen gar o Debleskro diwes? Doleske dau me tumen ap o shobto diwes doha maro, te nai chan les dui diwessa. Jaake atchell hakeno tumendar khere. Kek mukell ap o eftato diwes i platsa, kai lo khere hi.”

2. Mose 16:35

Un i Israelitarja chan ko Manna star-deesh bersha, jaake rah bis te wan le pash ko them Kanaan.

Gosewe laba 13:5

O chocheno rakepen hi djungeles glan i jaka kolestar, kai an o tchatchepen tardo hi. O tchilatcho krell praassedo koowa un wi-ladjedo koowa.

Gosewe laba 21:6

Ko brawlepen, hoi khetne anlo was o chochepah, hi har o ducho, hoi sik krik djal kolendar, kai o merepen rodenna.

Gosewe laba 22:8

Kowa, kai chochepen win witsrell har djob, kowa anell bibacht dren. Palle nai djal lo buder gar i wawarentsa jaake trujel har job kamell.

Gosewe laba 23:5

Te dikeh tire jakentsa pre, hi o brawlepen gar buder koi, jaake sik hi lo krik har i tchirklo, hoi hadell peskre mussja un hadell pes an o bolepen.

Gosewe laba 30:7

Mo Dewel, dui koowa mangau me tutar. De len mande jaake rah har djiwau:

Sikepaskro 1:2

Phares te haiwell hi halauter, penas o sikepaskro, halauter an o djipen hi phares te haiwell.

Jesaja 5:18

Djungelo djal i tchilatchenge, kai kamenn o chochepen. Jaake har i grai o wurdin tserdell, jaake tserdenn jon lengri doosh pal pende,

Jesaja 59:4

Kekeske tumendar, kai djal glan o tchatchepaskro mursheste, djal trul o tchatchepen. Un kek, kai anell tchomone ap i wawareste pre, penell o tchatchepen. Pash tumende hi jaake: Ap kowa, hoi tchi moldo hi, rikrenn tumen, un rakrenn o chochepen. Kowa, hoi an tumare sherja trujel djal, hi har nai chochenn un dukrenn i wawaren. Ko tchilatcho koowa, hoi win well, anell o merepen,

Jeremia 37:21

Kote mukas o baro rai Zedekja te penell, te rikrenn le o Jeremia ap koi platsa stildo, kai rikran pen i lurde pre. Un job mukas leske hako diwes i maro te anell, kotar kai o maro peklo was, jaake rah bis te his buder kek maro an o foro. Jaake atchas o Jeremia ap koi platsa stildo.

Jeremia 52:34

Un jaake har o baro rai dran Babilonia kowa kamas, was leske dran o baro rajeskro wast hako diwes kowa dino, hoi les hunte well djipaske, jaake rah har job djiwas.

Mateo 6:11

De men maro maro hako diwes!

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

Louka 11:3

De men maro hako diwes!

Johanni 2:8

Un job penas pale ap lende: “Lenn dran kol khore un anenn kowa o rajeske pral o pipen!” Un jon anan les pash leste.

Bičepangre 14:15

“Murshale, hoi krenn tumer kote? Mer ham menshe har tumer, un penah tumenge o latcho lab o djido Deblestar. Job kamell, te wenn tumer ap leskro drom, un mangenn buder gar kol chochene deblen dran kasht un bar an. Job hi ko Dewel, kai kras o bolepen un i phub, un o baro pani, un lauter, hoi djiwella.