Gosewe laba 30:14 - O Debleskro Drom 2021 (Sinte)

¹⁴ Hi menshe koi, kolengre danda dukrenn har chare un tchinenn har tchurja. Un jon chan i tchorwelen an o them, un kolen, kai lenge kek ap i rig well.

O Debleskro Lab 2024 (Sinte-Manouche)

¹⁴ Hi menshe koy, kolengre danda doukrenn har rhare oun činenn har čourya. Oun yon rhan i čorvelen an o them, oun kolen, kay lenge kek ap i rig vell.

Gosewe laba 30:14 ပူးပေါင်းရင်းမြစ်များ

Hiob 29:17

I tchilatcheske dom i danda paash, un tserdom koles dran leskro mui, hoi kamas lo te chal.

Hiob 41:14

Leskri meen hi sorelo. Kai lo ninna djal, taprell i menshen i daar.

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 124:6

Sharedo well o baro Dewel! Job mukas men gar mank lengre danda.

Debleskri gili 14:4

“Djinenn kol tchilatche gar, hoi jon krenna”, penell o baro Dewel, – “kolla, kai chan mire menshen har i kotar maro? Un ap mande denn le gar gole.”

Debleskri gili 3:7

Me darau gar deesh-serja lurdendar, kai djan ap mande hake rigjendar.

Debleskri gili 52:2

har o Doeg, ko mursh dran o them Edom, pash o Saul was, un leske penas: “O David hi pash o Ahimelech.”

Debleskri gili 57:4

Dran o bolepen mu well lo mange ap i rig, un lell man win dran o praassepen kolestar, kai man palla lell. O Dewel mu sikrell man, te hi lo mange latcho, un te rikrell lo pash mande.

Debleskri gili 57:5

Me hom tchiddo mank menshe, kai hi har lewe, kai kamenn man pre te chal. Lengre danda hi har tchurja un faile, un lengri tchip dell tchurje har i charo.

Debleskri gili 58:6

Jon pandenn pengre kanda har i sap, kai kamell gar te shunell, hoi o durkepaskro ap leste rakrell, ninna te haiwell lo mishto i sapentsa te rakrell.

Gosewe laba 12:18

Laba, hoi sik win rakedo wenna, nai denn tchurje har i charo. O rakepen i gosewe menshendar anell sastepen.

Gosewe laba 22:16

Kowa, kai rikrell i tchorweles tele, te well job kokres brawleder, ninna kowa, kai dell i braweles tchomone, kowa krell, te well lo kokres tchorwelo.

Gosewe laba 28:3

I tchorwelo mursh, kai was baro un rikrell i tchorwelen tele, hi har depen, hoi lauter krik thowell un o djob paash krell.

Gosewe laba 30:15

Hi menshe koi, kai hi har ko kirmo, hoi o rat pijell. Koles hi dui tcha. Kolla kharenna: “De kai! De kai!” Triin hi koi, kai gar tchalo wenn, un star penenn an kek tsiro: “Kanna hi man doha”:

Sikepaskro 4:1

Palle dikom halauter, hoi gar tchatcho hi ap i phub. Me dikom i swa kolendar, kai dan le lenge gar lengro tchatchepen, un kolenge kek ap i rig was. Kolla, kai kran lenge tchilatchepen, his sorelo. Doleske was kek ap lengri rig.

Jesaja 10:2

An i tchorwelengro koowa rakrenn le kek tchatchepen win. Un kolenge, kai gar an-dikle hi mank mire menshende, lenn le kowa krik, hoi lenge pal o tchatchepen hi. Jon lenn kowa krik, hoi i djuwjen hi, kolengre romma meran, un tchorenn i tchawen win, kolen kek dad buder hi.

Jesaja 3:14

Ap i phurende un rajende pral peskre menshende penell job: Tumer chan i tsele drake, hoi ap miro drakengro them bares wan, An tumare khera hi kowa, hoi tumer i tchorwelenge randan!

Jesaja 3:15

Hoske stakran tumer mire menshen tel tumare herja? Un hoske dan o tchorweles an o mui? Me, o baro Dewel, ko rai pral o bolepen un i phub, putchau kowa tumendar.

Jesaja 32:7

O chocheno djal chochene dromma. Tchilatcho koowa lell lo peske glan, un leskro chochepah anell lo doosh ap i tchorwelende, ninna te hi kolla an o tchatchepen.

Ezekiel 22:6

I pralstune pral Israel, kai djiwenn an tumaro foro, krenn har te wals len jaake bud penepaske, te nai marenn le menshen.

Ezekiel 34:3

O thulepen kol bakrendar chan tumer, lengre ballendar krenn tumaro an-ripen. Un i thulle bakre marenn tumer. Ap i bakre denn tumer gar jak.

Amos 2:7

Jon stakrenn i tchorwelen an i tchik, un i tiknen dran o drom. Doleske lenn le pengri phagi, un khaitenn man gar. I mursh un peskro dad djan dren pash i emligi djuwjate. Jaake anenn le ladj ap mande.

Amos 4:1

Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!

Amos 8:4

Shunenn kowa, tumer parepangre, kai rikrenn i tchorwelen tele, te atchell len buder tchi djipaske!

Habakuk 3:14

Tu dal leskre faile an leskro shero. Leskre tsele lurde nashan penge kate te kote. An pengro pre-phurdepen kaman le men krik te tradell. Kolen kai kek soor hi, kaman le pre te chal an pengro khatepen.

Zefanja 3:3

Lengre pralstune hi har lewe, kai denn i bari gole. Lengre tchatchepangre mursha hi har diwje djukle an i rati, kai chan lauter, hoi maran le, un mukenn tchi pral o wawar diweske.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Debleskro tsiro 9:8

Un lengre balla his har djuwjengre balla. Un len his danda har i bari diwji margodja.