Gosewe laba 3:34 - O Debleskro Drom 2021 (Sinte)

³⁴ Kolla, kai praassenn i wawaren, kolen praassell lo ninna. Kolla, kai krenn pen gar bares, ap kolende dikell lo latches.

O Debleskro Lab 2024 (Sinte-Manouche)

³⁴ Kolla, kay praasenn i vavaren, kolen praasell lo ninna. Kolla, kay krenn pen gar bares, ap kolende dikell lo lačes.

Gosewe laba 3:34 ပူးပေါင်းရင်းမြစ်များ

Debleskri gili 138:6

Awa, ninna te hal jaake dur pral halauter, dikeh tu kolen, kai tele rikede hi. Un kol pre-phurden prindjreh fun dural.

Debleskri gili 18:26

Tu rikreh ap koleste, kai ap tute rikrell, un kreh, hoi mishto hi koleske, kai krella, hoi tu lestar kameh.

Gosewe laba 1:26

Jaake kamau me ninna te sal, te well i bibacht pral tumende, awa, me sau, te well kowa, hoi darenna,

Gosewe laba 14:9

I dinele sanenn pral i doosh, hoi jon ap pende anan. O Dewel dikell latches ap kolende, kai o tchatcho drom djan.

Gosewe laba 16:19

Hi feteder te weh gar an-diklo un djiweh i tchorwelentsa, har te wess jek kolendar, kolen i baro mui hi, un djiweh fun lengro tchoredo koowa.

Gosewe laba 19:29

Pral kol pre-phurden, kai pral halauter sanenn, well i phagi win rakedo; un dawa ap o dumo lell o dinelo.

Gosewe laba 21:24

Ko baro-mujeskro, kai dikell tele ap i wawarende, well pre-phurdo kharedo. Job patsell, te nai krell lo lauter un kek les pale rikrell.

Gosewe laba 9:12

Te hal gosewo, hi kowa tuke bud moldo. Te hal pre-phurdo, hunte hidjress kokres, hoi kowa tuke anell.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.