Gosewe laba 3:25 - O Debleskro Drom 2021 (Sinte)

²⁵ Tut hunte well kek daar glan i bibacht, hoi well sik, witar gar glan o merepen, hoi well pral kolende, kai kamenn o Deblestar tchi te djinell.

O Debleskro Lab 2024 (Sinte-Manouche)

²⁵ Tout hounte vell kek daar glan i bibarht, hoy vell sik, vitar gar glan o merepen, hoy vell pral kolende, kay kamenn o Deblestar či te djinell.

Gosewe laba 3:25 ပူးပေါင်းရင်းမြစ်များ

Debleskri gili 112:7

Les well kek daar, te shunell lo, kai tchilatcho koowa wella. Job dikell peskro tselo djijeha ap o baro Debleste.

Debleskri gili 73:19

Ap jek kopo hi le buder gar koi. Lengro merepen nai wals gar djungleder!

Debleskri gili 91:5

Tu hunte tapress kek daar glan kowa, hoi rati nai wella, witar gar glan kol kashta, hoi ap o diwes karje dino wenna,

Gosewe laba 1:27

un well pral tumende har i sorelo baro ducho; te well i bibacht pral tumende har i phurdepen, hoi lauter khetne phagell; te well i pharo tsiro un bari daar pral tumende.

Jesaja 54:14

An o tchatchepen weh tu soreles tardo. Tu hunte daress kekestar, te rikrell lo tiro djipen phares. Un tu hunte daress kek bibacht. Kaja nai well gar pash tute!

Micha 4:4

Hakeno nai beshell tel peskre drakengre ruka un faigetikre ruka. Un kek krell leske traash. Kawa penell o baro Dewel, ko rai pral o bolepen un i phub.

Zakarie 9:8

“Me kokres dau garda ap miro them, te wenn kek lurde dran wawar themma dren. Kek baro rai i wawar themestar nai rikrell mire menshen tele. Mire jakentsa dikau kanna koi pre.”

Mateo 24:15

Glan i rah tsiro rakras o Debleskro rakepaskro Daniel pral koi djungeli tchilatchi figura. Koon kawa drawerella, kamaus, te haiwell lo les ninna. Ap ko diwes, kai dikenn tumer koi djungeli tchilatchi figura an o Debleskro baro kheer tardo,

Mateo 24:6

Baro kurepen wella an kol themma, kai hi dur tumendar un ninna an kolla themma, kai hi gar dur tumendar. Te shunenn tumer kowa, ma trashenn! Ko hunte well jaake. Ko tsiro, kai o Dewel o rai hi pral halauterende, well gar jaake sik.

Markus 4:40

Un job penas ap lende: “Hoske trashenn tumer jaake? Hi tumen kek patsepen?”

Louka 21:9

An ko tsiro della bud baro kurepen, un i menshe hadenn pen pral pengre themeskre rajende. Ma trashenn! Ko hunte well jaake. Ko tsiro, kai i phub paash djala, well gar jaake sik.”

Johanni 14:1

“Tumaro dji hunte trashell gar. Patsenn ap o Debleste un patsenn ap mande!

1. Petro 3:14

Tumer krenn, hoi o Dewel tumendar kamella. Nai well, te lenn le tumen doleske palla. Palle han bachtelo. Te denn le tumen trad, ma darenn! Ma trashenn lendar!