Gosewe laba 3:24 - O Debleskro Drom 2021 (Sinte)

²⁴ Rati tchiweh tut tele kek darjah, un tu nai soweh mishto.

O Debleskro Lab 2024 (Sinte-Manouche)

²⁴ Rati čiveh tout tele kek daryah, oun tou nay soveh mishto.

Gosewe laba 3:24 ပူးပေါင်းရင်းမြစ်များ

2. Familjakro liil 20:30

Jaake nai djiwan i menshe an o them Juda, kai o Josafat o baro rai his, kek kurepah. Leskro Dewel kras, te djiwas lo an o latchepen kol thementsa trul leste.

Hiob 11:19

Un tu hal tchiddo, un kek well pral tute, un krell tut traash. Un bud wenna, kai mangenn tutar, te kress lenge latchepen.

Debleskri gili 112:8

Soreles atchell leskro dji, un darell gar, bis te job tele dikell ap kolende, kai leske tchilatchepen kaman.

Debleskri gili 127:2

Tchitcheske hi, te stenn tumer sik taissarlakro pre, un han beshdo bis an i rat, un marenn tumen tele, te lenn tumaro chapen. Kowa dell o baro Dewel peskre malen an o sopen.

Debleskri gili 3:5

Dau me gole ap o baro Debleste, shunell lo man ap peskri berga, kai job djiwell.

Debleskri gili 3:6

Me tchiwom man tele un sowom, un djinom, har djangrom, o baro Dewel das jak ap mande i tseli rat.

Debleskri gili 4:8

Tu kral miro dji bachtleder har o dji kolendar, kolen bud djob un mool hi.

Debleskri gili 91:5

Tu hunte tapress kek daar glan kowa, hoi rati nai wella, witar gar glan kol kashta, hoi ap o diwes karje dino wenna,

Gosewe laba 1:33

Koon ap mande shunell, nai djiwell kek darjah, un leskro dji hunte darell kek bibacht.

Gosewe laba 19:23

Te djiweh o baro Debleha, hi tut o djipen: tut hi doha chapaske; tu nai soweh mishto; kek bibacht well ap tute.

Gosewe laba 6:22

Te djah, sikrenn le tuke o drom, te tchiweh tut, denn le ap tute jak. Un te steh pale pre, wenn le tuke an o shero.

Sikepaskro 5:12

I djungelo koowa dikom ap i phub: Hi menshe koi, kai garenn pengro brawlepen pash peste un denn mishto jak ap kowa.

Jesaja 54:14

An o tchatchepen weh tu soreles tardo. Tu hunte daress kekestar, te rikrell lo tiro djipen phares. Un tu hunte daress kek bibacht. Kaja nai well gar pash tute!

Jeremia 31:26

Har djangrom un krom mire jaka pre, haiwom, kai miro sopen shukar his.

Ezekiel 34:15

Me kokres hom lengro bakrengro, un anau len kote, kai le pen tele nai tchiwenn kek darjah. Kawa penell o baro Dewel, maro rai.

Ezekiel 34:25

Un me pandau miro dji ap lende, un krau lentsa win, te nai djiwenn le an o latchepen. Hake diwje viechen tradau krik dran o them. Un an o mulo them nai djiwenn le kek darjah. Un an i wesha sowenn le.

Ezekiel 34:27

te hidjrenn i ruka latche rukengre, un te well bud djob bares ap i hachetikri phub. Un mire menshe djiwenn an pengro them kek darjah. Me phagau kol shelle, kolentsa jon pandlo his. Un lau len win dran i wasta kolendar, kolenge jon hunte budran. Palle dikenn un haiwenn le, te hom me o baro Dewel.

3. Mose 26:6

Tumer nai djiwenn an o latchepen kolentsa, kai trul tumende djiwenn, te nai sowenna, un kek tserdell tumen dran o sopen. Kol diwje viechen tradau me dran o them win. Kek lurde wenna an tumaro them, te marenn le tumen.

Bičepangre 12:6

An i rat glan ko diwes, kai kamas o Herodes les win anell, te dell lo les i phagi, sowas o Petro mashkral dui lurdende. Job his pandlo dui sasterne shellentsa, un dui lurde dan jak glan o wudar.