Gosewe laba 3:21 - O Debleskro Drom 2021 (Sinte)

²¹ Miro tchawo, muk o goswepen gar dran tire jaka! Rike tut ap kowa, hoi mishto un gosewo hi!

O Debleskro Lab 2024 (Sinte-Manouche)

²¹ Miro čavo, mouk o gosvepen gar dran tire yaka! Rike tout ap kova, hoy mishto oun gosevo hi!

Gosewe laba 3:21 ပူးပေါင်းရင်းမြစ်များ

Gosewe laba 1:4

Jaake wenn ninna kolla gosewo, kolen tchi an o shero hi. Un terne mursha haiwenn, hoi hunte krenn le, un dikenn dren, hoi mishto hi.

Gosewe laba 18:1

Koon pes i wawarendar krik rikrella, rodell, hoi peske kokres shukar hi, un kamell gar dren te dikell, hoi latcho leske wals.

Gosewe laba 19:8

Kowa, kai peske bud pashel anas, kras peske latchepen. Kowa, kai lauter mishto haiwell, hatsell bacht.

Gosewe laba 2:7

Kolen, kai an o tchatchepen tardo hi, dell lo, hoi len hunte well. Un dell jak ap kolende, kai leskro drom djan, te krell lenge kek tchomone.

Gosewe laba 4:21

Ma biste len! Rike len an tiro dji!

Gosewe laba 4:6

Ma muk o goswepen! Te hal gosewo, weh tu win lino dran o tchilatchepen. Te kameh o goswepen, hi lo har i sorelo kheer trul tute.

Gosewe laba 5:2

Palle haiweh hoi mishto hi, un tire laba sikrenn, kai hal gosewo.

Gosewe laba 8:14

Mire labentsa sikrau jekeste o drom, un krau leskre jaka pre. Djinau, hoi mishto un gar mishto hi, un man hi i soor.

Johanni 8:31

Ap kol biboldende, kai kanna ap leste patsan, penas lo: “Tumer te krenna, hoi me tumenge penau, palle han tumer tchatchepah mire mala, kai mire laba pre lan.

5. Mose 4:9

Denn soreles jak ap tumende, te bistrenn gar – jaake rah har djiwenn, – hoi tumare jakentsa dikan! Un penenn tumare tchawenge un lengre tchawenge,

Josua 1:8

Pen tuke kol laba glan, hoi an ko liil tchinlo hi! Ap o diwes, har an i rat, muk len tuke an tiro shero trujel te djal, te rikress un kress halauter, hoi an ko liil tchinlo hi. Palle djal tuke halauter mishto, un kowa, hoi kreh, well mishto.

1. Johanni 2:24

Tumenge penau: Rikrenn kol laba an tumare djia, hoi shunan, har tumer patslo wan! Te atchenn kol laba an tumende, hoi tumer shunan, har patslo wan, jaake atchenn tumer khetne o Debleskro tchaweha un o Debleha, maro dadeha.

1. Johanni 2:27

O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.