Gosewe laba 3:18 - O Debleskro Drom 2021 (Sinte)

¹⁸ Har i ruk, hoi o djipen dell, hi o goswepen hakeneske, kai les an peste pre-lell. Bachtele hi lauter, kai o goswepen an pengre djia rikrenn.

O Debleskro Lab 2024 (Sinte-Manouche)

¹⁸ Har i rouk, hoy o djipen dell, hi o gosvepen hakeneske, kay les an peste pre-lell. Barhtele hi lauter, kay o gosvepen an pengre djia rikrenn.

Gosewe laba 3:18 ပူးပေါင်းရင်းမြစ်များ

1. Mose 2:9

Un o baro Dewel, maro rai, mukas bud ruka baro te well dran i phub. Kolla his shukar. Un lengre rukengre his latcho chapaske. Mashkral i baar his ko ruk tardo, kai della djipen, ninna ko ruk, kai della goswepen, hoi hi latcho un hoi hi tchilatcho.

1. Mose 3:22

Un o baro Dewel, maro rai, penas: “Dikenn, o mensho was jaake har mer: Job djinell, hoi hi latcho un hoi hi tchilatcho. Kanna hi gar mishto, te chal lo ninna ko rukestar, hoi della o djipen. Palle djiwell job hako tsireske.”

Gosewe laba 11:30

Kowa, hoi i latcho un tchatcho mensho krell, hi har i ruk, hoi o djipen dell. Ko mensho, kai gosewo hi, tserdell wawar menshen ap peskri rig.

Gosewe laba 13:12

Te dikell jek i rah tsiro ap tchomone, un kowa well gar, well leskro dji pharo. Te well kowa, ap hoi jek jaake rah dikas, palle djiwell leskro dji pale pre.

Gosewe laba 15:4

I latcho lab, hoi i wawares soor dell, hi har o ruk, hoi djipen della. I midjak lab phagell leskro dji.

Gosewe laba 4:13

Atch pash kowa, hoi tuke siklo was, muk kowa gar! Rike tut ap kol gosewe laba! Dran lende well tut i latcho djipen.

Gosewe laba 8:32

Doleske, mire tchawe, shunenn ap mande! Bachtele hi kolla, kai ap miro drom djana!

Gosewe laba 8:34

Bachtelo hi ko mensho, kai shunell ap mande, kai hi tardo pash miro wudar hako diwes, un dell jak ap miro kheer.

Sikepaskro 7:12

O goswepen hi har lowe. Kones kolestar doha hi, kowa hunte darell gar. Leskro goswepen rikrell o gosewes an o djipen.

Debleskro tsiro 2:7

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau te chal ko rukestar, hoi o djipen della, kowa, hoi tardo hi an o Debleskri shukar baar.”

Debleskro tsiro 22:2

O pani nashell mashkral o baro drom. Ap haki rig o panjestar hi kol ruka tardo, kai denna o djipen. Ap lende wenna deesh-te-dui kope an i bersh rukengro chapen baro, hako tchon jek kopo. Un i patria kol rukendar krenn i menshen an i tsele themma sasto.