Gosewe laba 3:12 - O Debleskro Drom 2021 (Sinte)

¹² Kones o baro Dewel o djijestar kamell, koles dell lo, jaake har i dad peskro tchaweha krell, ap koleste job latches dikell.

O Debleskro Lab 2024 (Sinte-Manouche)

¹² Kones o baro Devel o djiyestar kamell, koles dell lo, yaake har i dad peskro čaveha krell, ap koleste yob lačes dikell.

Gosewe laba 3:12 ပူးပေါင်းရင်းမြစ်များ

Debleskri gili 103:13

Jaake har i dad peskro dji pre krell peskre tchawenge, jaake krell o baro Dewel peskro dji pre kolenge, kai djiwenn leha.

Debleskri gili 94:12

Bachtelo hi kowa, koneste tu, baro Dewel, leskri doosh sikreh, koleste tu sikreh, har te djiwell lo.

Gosewe laba 13:24

I dad, kai peskro tchaweste kek phagi dell, krell leske gar mishto. Koon les kamell o djijestar, kowa rikrell pes gar pale, te dell lo les i phagi.

Gosewe laba 29:17

Sike tiro tchawes soreles, hoi lo gar mishto kras. Palle krell lo tut bachtelo. Un tu hunte ladjess leske gar.

5. Mose 8:5

Jaake haiwenn tumer an tumare djia, tumaro baro Dewel kras tumentsa har i dad peskro tchaweha.

Hebrearja 12:6

Kones o Dewel o djijestar kamella, kowa lell ninna lestar i phagi. Un koon well leskro tchawo, koles dell lo ninna dawa.

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!