Gosewe laba 3:10 - O Debleskro Drom 2021 (Sinte)

¹⁰ Palle wenn tire djobengre khera pherdo djob, un tiri bari moljakri piri jaake pherdo, te nashell i mool pral.

O Debleskro Lab 2024 (Sinte-Manouche)

¹⁰ Palle venn tire djobengre khera pherdo djob, oun tiri bari molyakri piri yaake pherdo, te nashell i mool pral.

Gosewe laba 3:10 ပူးပေါင်းရင်းမြစ်များ

2. Familjakro liil 31:10

Un o baro rashai Asarja dran o kheer Zadok, penas ap leste: “Fun ko tsiro, kai wan i menshe an o baro Debleskro kheer un anan leske, hoi lenge penlo was, cham un wam tchales, un ninna atchas bud pral. O baro Dewel tchiwas peskri bacht ap peskre menshende. Doleske atchas jaake bud chapen pral.”

2. Familjakro liil 31:21

Un halauter, hoi job kras, te well koi budi an o Debleskro kheer jaake kerdo har glan tchinlo hi, kowa kras lo peskro tselo djijeha. Job rodas, te krell lo, hoi peskro Dewel lestar kamas. Doleske mukas o baro Dewel kowa leske mishto te djal.

Debleskri gili 144:13

Muk mare djobengre khera pherdo te well, te well men bud latcho chapen te chal. Muk mare bakren serja terne te lell, awa, deesh-serja an mare gaba.

Gosewe laba 19:17

Kowa, kai peskro dji pre krell un i tchorweles dell, kowa hi har jek, kai patsals o baro Debleske. Un o baro Dewel dell les ko latchepen pale, hoi lo kras.

Gosewe laba 22:9

Kowa, kai latches ap i wawarende dikell, dell peskro maro i tchorweleste. Ap leste well bacht wi-rakedo.

Joel 2:24

te wenn i djobengre khera pherdo djob, un budeder har doha mool un djet koi hi.

Haggai 2:19

An tumare djobengre khera atchell doha djob. I drakengre ruka hidjrenn pale drake, i faigetikre ruka hidjrenn faige, i granatikre phabjengre ruka hidjrenn phabja, un i djeteskre ruka hidjrenn djeteskre drake. Kau diwesseha tchiwau miri bacht un miri soor ap tumaro them.

Mateo 10:42

Koon della jekes mire malendar i khoro shilo pani te pijell, koles dell o Dewel tchatchepah ko latchepen pale, hoi job kras.

5. Mose 14:29

Palle nai wenn i Levitarja, kolen kek phub hi, kai an tiro foro djiwenn, ninna i wi-themarja, i tchawe, kolen kek dad buder hi, un i djuwja, kolengro rom meras, un jon te chan un wenn tchales. Te krenn tumer jaake, tchiwell tumaro baro Dewel peskri bacht ap halauter, hoi krenna.

5. Mose 28:8

Tumaro baro Dewel bitchrell tumenge peskri bacht ap tumaro djob, te well tumen bud kolestar an tumare djobengre khera, un ap halauter, hoi tumer krenna. Un job dell tumen peskri bacht an ko them, hoi lo tumende dell.