Gosewe laba 3:1 - O Debleskro Drom 2021 (Sinte)

¹ Miro tchawo, ma biste kowa, hoi tuke sikrom, rike mire laba an tiro dji!

O Debleskro Lab 2024 (Sinte-Manouche)

¹ Miro čavo, ma biste kova, hoy touke sikrom, rike mire laba an tiro dji!

Gosewe laba 3:1 ပူးပေါင်းရင်းမြစ်များ

Debleskri gili 119:11

Me rikrau tiro lab an miro dji, te anap kek doosh ap mande.

Debleskri gili 119:153

Dik, har djungeles mange djal un le man win dran i bibacht! Tiro drom bistrom me gar.

Debleskri gili 119:16

Mange hi shukar, te krap, hoi tu mandar kameh, un bistrau tire laba gar.

Debleskri gili 119:176

Me hom har i bakro, hoi nashedo djas. Rode man, tiro budepaskres, me bistrom tire laba gar!

Debleskri gili 119:34

Muk man lauter haiwell, te dap jak ap tiro drom, un shunap ap tute o tselo djijestar.

Debleskri gili 119:61

I tchilatche tchiwan dorja win trul mande, te perap dren. Me bistrau tiro drom gar.

Debleskri gili 119:93

An kek tsiro kamau te bistrap hoi tu menge penal, te kras mer. Dran tire laba rikreh tu man djido.

Debleskri gili 91:16

Me dau les i lengsto djipen un sikrau les, te hom kowa, kai les win lell dran i bibacht.”

2. Mose 20:6

Latchepen un kamlepen dau me ap kolende, hoi man o djijestar kamenn un krenn, hoi me penau. Ninna lengre tchawenge, kai pal lende wenna, hom latcho, jaake rah har i seri familje jek pal i wawar djiwenn.

Gosewe laba 1:8

Miro tchawo, shun ap i laba, hoi tiro dad tuke penell! De jak ap kowa, hoi tiri dai tutar kamell!

Gosewe laba 16:31

Parne balla hi har i kutch rajeskri stadi, hoi o Dewel kolen dell, kai leskro drom djan.

Gosewe laba 2:1

Miro tchawo, shun ap mire laba, un rike tut ap kowa, hoi me tuke penom,

Gosewe laba 23:26

Miro tchawo, kre tiro dji mange pre, un dja ap mire dromma!

Gosewe laba 31:5

Te pijenn le, nai bistrans le, hoi o Dewel lendar kamell, un dikenn buder gar koi pre, te lenn i tchorwele pengro tchatchepen.

Gosewe laba 4:2

Mire laba hi latcho. Doleske ma bistrenn len!

Gosewe laba 4:21

Ma biste len! Rike len an tiro dji!

Gosewe laba 4:5

Kre lauter, te wess gosewo un haiwess, hoi mishto hi. Ma biste mire laba! Kre jaake, har tuke penom!

Gosewe laba 8:1

O goswepen hi har i dai, kai dell tut gole, har i pheen, kai mukell pes te shunell.

Gosewe laba 9:1

O goswepen hi har i djuwel, kai mukas efta bare pesse kashta te tchinell un pre te tchiwell, un peskro kheer ap lende te krell.

Jesaja 51:17

Ste pre! Ste pre! Hade tut, Jerusalem! Tu pijal dran o baro Debleskro khoro, hoi his pherdi leskri choli. Tu hunte pijal ko khoro win, bis te tchi buder an leste his. Kolestar wal har jek, kai hi mato, un nai well buder gar tardo ap peskre herja.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

5. Mose 4:23

Kanna denn tumen jak, te bistrenn gar, hoi tumaro baro Dewel tumentsa win kras! Ma krenn tumenge i figura tchomonestar, hoi mangenn an, har te wals i dewel. Tumaro baro Dewel penas tumenge soreles, te krenn kowa gar.

5. Mose 4:9

Denn soreles jak ap tumende, te bistrenn gar – jaake rah har djiwenn, – hoi tumare jakentsa dikan! Un penenn tumare tchawenge un lengre tchawenge,

5. Mose 5:16

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

5. Mose 5:33

Djan jaake ap leskro drom, har job tumenge sikras! Palle atchenn djido, un djal tumenge mishto. Un tumer nai djiwenna i rah tsiro an ko them, hoi tumer dren lenn, te well lo tumaro.

5. Mose 8:1

Rikrenn kol tsele laba, hoi tumenge kau diwes penau. Djiwenn pal lende! Jaake atchenn djido un wenn bud menshe, un nai lenn ko them tumenge dren, kolestar o baro Dewel glan tumare phurende pes sowel das, te dell lo les lende.