Gosewe laba 29:4 - O Debleskro Drom 2021 (Sinte)

⁴ I baro rai, kai rikrell pes ap o tchatchepen, kowa krell, te djal o themeske latches. Kowa, kai lell bud themeskre lowe peskre menshendar, kowa krell o them paash.

O Debleskro Lab 2024 (Sinte-Manouche)

⁴ I baro ray, kay rikrell pes ap o čačepen, kova krell, te djal o themeske lačes. Kova, kay lell boud themeskre love peskre menshendar, kova krell o them paash.

Gosewe laba 29:4 ပူးပေါင်းရင်းမြစ်များ

2. Samuel 8:15

Jaake his o David baro rai pral o tselo them Israel, un kras, te lell hakeno peskro tchatchepen.

1. Rajengro liil 2:12

Jaake was o Salomo o baro rai pal leskro dadeste, o Davideste. Un leskri rajeskri soor was bareder un bareder.

2. Familjakro liil 9:8

Sharedo well o baro Dewel, kai tiro Dewel hi, job, kai dikell latches ap tute, un kras te wal o rai pral o Israel! O baro Dewel kamell peskre menshen Israel, un kamell te atchenn le an hako tsiro. Doleske tchiwas lo tut pral lende, te wess lengro rai, te aness o tchatchepen pash lende, un hakeno peskro tchatchepen lell.”

Hiob 11:6

Job djinell halauter pral halauter. Kamoms, te sikrals lo tute peskro goswepen, hoi menge khatedo hi. Palle hunte haiwess, te dikell o Dewel pral bud doosh tutar pral wergel!

Debleskri gili 89:14

Tut hi i soreli mussi, tiro wast hi sorelo, un pre hadedo tiro tchatcho wast, te sikress tiri soor pral i menshende.

Debleskri gili 99:4

Tuke hi bari soor. Tu hal o baro rai, kai kamell o tchatchepen o djijestar. Tu penal, hoi tchatcho hi, un tchiwal o tchatchepen pre an o them Israel, te djan i tchatchepangre mursha pal o tchatchepen.

Gosewe laba 14:34

Te well hakeneste peskro tchatchepen dino an jek them, palle well kau them an-diklo. Kote, kai i menshe o tchatcho dromestar tele djan, hunte ladjenn le pen.

Gosewe laba 16:10

Te rakrell i baro rai, hoi o Dewel leske an o mui tchiwell, palle rakrell lo o tchatchepen win pral i mensheste jaake har tchatcho hi.

Gosewe laba 16:12

Te krenn bare raja tchilatcho koowa, hi kowa i djungelo koowa glan o Debleste. Te krenn le o tchatchepen, atchell lengri rajeskri beshepaskri soreles tardo.

Gosewe laba 20:8

I baro rai, kai o tchatchepen win rakrella pral i menshende, hatsell kolen win, kai tchilatcho hi.

Gosewe laba 29:14

I baro rai, kai dell i tchorwelen lengro tchatchepen, atchell rai i rah tsiro.

Gosewe laba 8:15

Mandar well i soor, hoi dau i bare rajenge. Mandar well, te nai rakrenn i tchatchepangre raja o tchatchepen win.

Jesaja 49:8

Kawa penell o baro Dewel: Har his o tsiro mishto, shunom ab tiri gole. Har was ko diwes, kai lom tut win dran i bibacht, wom ap tiri rig. Un me dom jak ap tute. Me lom tut: – te wess i drom, kai nai wenn i menshe dran hake themma pash mande, – te tchiwess pale o them pre tardo, – te dess tu lende kol kotja them, hoi lenge hi, un kanna muklo hi,

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Daniel 11:20

Un pal leste stell i baro rai pre, kowa bitchrell jekes, te lell lo leske lowe dren an o railo them. Un pal i tikno tsiro denn le les mulo, tchorchanes un gar an o kurepen.

Micha 7:3

Lengre wasta hi sik, te krenn le tchilatcho koowa. I pralstune un tchatchepangre raja denn kolen o tchatchepen, kai denn len lowe. Kol sorele an o them krenn, hoi le kamenn, chochenn un rissrenn o tchatchepen trujel.

1. Samuel 13:13

O Samuel penas ap o Saul: “Tu kral dinelo koowa, un kral gar pal ko lab, hoi penal tuke o baro Dewel, kai tiro Dewel hi. Te krals tu pal ko lab, tchiwals lo tut hako tsireske pral o Israel, te atchals lengro baro rai.