Gosewe laba 28:9 - O Debleskro Drom 2021 (Sinte)

⁹ Kowa, kai kamell tchi o Debleskro dromestar te djinell, un palle mangell lo tchomone o baro Deblestar, koleskro mangepen hi djungelo glan o Debleskre jaka.

O Debleskro Lab 2024 (Sinte-Manouche)

⁹ Kova, kay kamell či o Debleskro dromestar te djinell, oun palle mangell lo čomone o baro Deblestar, koleskro mangepen hi djoungelo glan o Debleskre yaka.

Gosewe laba 28:9 ပူးပေါင်းရင်းမြစ်များ

Debleskri gili 109:7

Te well lo glan i tchatchepangre raja anlo, muk kolen i phagi pral leste win rakrell. Te mangell lo tut, dik ap leskro mangepen, har te wals kowa i doosh.

Debleskri gili 66:18

Job shunas miri gole, un das jak ap kowa, hoi lestar mangom. Te wals man tchilatchepen glan an miro dji, shunals man o Dewel, miro rai, gar.

Debleskri gili 94:20

Tu tchiwal tut gar khetne kolentsa, kai tchatchepangre mursha hunte wans, un jon djan gar pal o tchatchepen, un penenn ap o chochepen: “Kowa hi o tchatchepen.”

Gosewe laba 10:3

O baro Dewel mukell i latches gar te bokell. Krik pestar tradell lo ko tchilatches, koles bok pral bud koowa hi.

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Gosewe laba 21:13

Kowa, kai jaake krell, har te shunell lo gar koi gole ko tchorwelestar, leske djala jaake, kai dell job ninna gole un kek shunell les.

Gosewe laba 21:27

Kowa, hoi anenn i tchilatche o baro Debleske, hi djungeles glan leskre jaka. Har bud budeder, te krenn le kowa dran i tchilatcho dji.

Jesaja 41:24

Djinenn, kowa nai krenn le gar! Kol debla hi tchi-moldo un nai krenn tchi. Koon len peske win rodell, krell i pale-tchiddo koowa glan o Debleste.

Jeremia 14:12

Jon nai rikrenn pen pale o chapastar, un rowenn ap mande jaake bud har kamenn le, me shunau len gar. Ninna te chatchrenn jon mange viechen un chapen, dikau gar latches ap lende. Me marau len an o kurepen, ninna i bok un o nasslepen marenn le.

Johanni 9:31

Mer halauter djinah, kai o Dewel ap kekeste shunella, kai djal gar ap leskro drom. O Dewel shunell ap koleste, kai darell lestar un djiwell jaake, har job kamella.