Gosewe laba 28:22 - O Debleskro Drom 2021 (Sinte)

²² Koles, kai bok pal i lowe hi, nashell o brawlepen palla, un djinell gar, te well jaake o tchorwlepen pral leste.

O Debleskro Lab 2024 (Sinte-Manouche)

²² Koles, kay bok pal i love hi, nashell o bravlepen palla, oun djinell gar, te vell yaake o čorvlepen pral leste.

Gosewe laba 28:22 ပူးပေါင်းရင်းမြစ်များ

1. Mose 19:17

Har jon glan o foro his, penas ko jek bolepaskro ap o Lot: “Naash, te atchess tu djido! Ma dik pal tute! Ma atch tardo kate an kau them pash o pani Jordan! Naash ap kol berge, te wess tu gar maredo!”

Gosewe laba 21:5

Rake tiro djijeha pral kowa, hoi kameh te krell, un palle kre les tiri tseli sorjah. Un tut well bud djipaske. Kowa, kai lauter sik sik krella, koles hi tchi.

Gosewe laba 22:16

Kowa, kai rikrell i tchorweles tele, te well job kokres brawleder, ninna kowa, kai dell i braweles tchomone, kowa krell, te well lo kokres tchorwelo.

Gosewe laba 23:6

Ma cha ko maro, hoi i tchinlo tute dell. Muk tiro dji gar pal leskro latcho chapen te nashell!

Gosewe laba 28:20

I murshes o labestar hi bacht an bud koowa. Kowa, kai kamell sik braweles te well, anell ninna doosh ap peste.

Mateo 20:15

Me krau nai mire lowentsa, hoi me kamau. Hoske hal tu tchilatcho ap mande, te hom me latcho?

Markus 7:22

Te chochell i mursh peskri romjat i wawar djuwjah, un te chochell i djuwel peskro romes i wawar mursheha, well kowa dran lengre djia. Dran o dji well ninna i bok pal i lowe, o chochepen, wi-ladjedo koowa un dinlepen. Dran o dji well ninna, te dikell jek tchilatche jakentsa ap kowa, hoi o wawares hi, te hi lo midjak ap o wawareste, te rakrell lo djungeles pral o wawareste, te hadell lo pes pral o wawareste.

1. Timoteo 6:9

Kolla, kai kamenn brawele te well, kolla perenn an o bengeskro wast, un anenn pen an bud dinelo un djungelo koowa. Un kowa anell len an i bibacht un mukell len tele te djal.