Gosewe laba 28:20 - O Debleskro Drom 2021 (Sinte)

²⁰ I murshes o labestar hi bacht an bud koowa. Kowa, kai kamell sik braweles te well, anell ninna doosh ap peste.

O Debleskro Lab 2024 (Sinte-Manouche)

²⁰ I morshes o labestar hi barht an boud koova. Kova, kay kamell sik braveles te vell, anell ninna doosh ap peste.

Gosewe laba 28:20 ပူးပေါင်းရင်းမြစ်များ

Nehemia 7:2

Un me tchiwom dui pralstunen pral o foro Jerusalem, miro phrales, o Hanani, un o Hananja, kai o pralstuno lurdo pral o lurdengro kheer his. Job his i mursh o labestar, un djiwas jaake o Debleha har gar bud wawar.

Debleskri gili 101:6

Mire jaka rodenn pal kolende an o them, kai rikrenn pen ap tire laba, te djiwenn jon pash mande. Kolen, kai o tchatcho drom djan, lau me pash mande, te budrenn le mange.

Gosewe laba 10:6

O Debleskri bacht hi tchiddo ap koleste, kai an o tchatchepen tardo hi. An o rakepen i tchilatchendar hi lengro djungelo koowa khatedo.

Gosewe laba 13:11

O brawlepen, hoi sik khetne lino was, djal ninna sik pale krik. Kowa, kai anell lokes peskre lowe khetne, lell budeder un budeder.

Gosewe laba 17:5

Kowa kai pral i tchorweleste sal, kowa praassell koles, kai les kras. Kowa, kai bachtelo hi pral o wawareskri bibacht, sawo lell peskri phagi.

Gosewe laba 19:2

Jek, kai peskro koowa gar haiwell, hi tchi moldo, ninna te budrell lo sik. Kowa, kai sik nashell, perell.

Gosewe laba 20:21

Te kameh sik kowa te lell, hoi jek tire phurendar peskre menshenge pale mukell, palle anell kowa tuke kek bacht.

Gosewe laba 20:6

Bud menshe sharenn pen pengro latchepah. Nai hatseh tchatchepah i murshes o labestar?

Gosewe laba 23:4

Ab jaake gosewo, te maress tut gar tele, brawelo te well.

Gosewe laba 28:22

Koles, kai bok pal i lowe hi, nashell o brawlepen palla, un djinell gar, te well jaake o tchorwlepen pral leste.

Mateo 24:45

I latcho budepaskro della mishto garda ap peskro rajeskro kheer, un sowella gar. Leskro rai das peskre tsele budepangren an leskre wasta. Un ko latcho budepaskro dell len hako diwes kowa, hoi len hunte well djipaske.

Mateo 25:21

Penas o rai ap leste: Kowa kral tu mishto. Tu hal i latcho budepaskro. Me dom tut i tikni budi, un tu kral kai budi mishto. Doleske dau me kanna bud koowa an tire wasta. Ab an miro kheer dren, te wess tu mantsa bachteles!

Louka 12:42

Penas o Jesus: “I latcho budepaskro dell mishto garda ap peskro rajeskro kheer, un sowella gar. Leskro rai das peskre tsele budepangren an leskre wasta. Un ko latcho budepaskro dell lende hako diwes kowa, hoi len hunte well djipaske.

Louka 16:1

O Jesus penas ninna ap peskre malende: “His i brawelo mursh. Koles his i budepaskro, kai chochras les un das leskro brawlepen win. Har ko brawelo kowa shunas,

Debleskro tsiro 2:10

Ma darenn kol duka, hoi ap tumende wenna! O beng mukell menshen tumendar an o stilepen te witsrell, te well diklo, har sorelo tumaro patsepen ap mande hi. Un tumer wenn deesh diwessa palla lino. Atchenn soreles an tumaro patsepen ap mande, ninna te marenn le tumen! Palle dau tumen o djipen, hoi atchella. Jaake baro hi tumaro plaissepen!

Debleskro tsiro 2:13

Me djinau, tumer djiwenn kote, kai o beng o rai pral i menshende hi. Tumer rikrenn soreles ap mande, un mukan o patsepen gar, ninna an kol diwessa, har was o Antipas maredo, har job i menshenge mandar penas an tumaro foro, kai o beng djiwella.

1. Samuel 22:14

O Ahimelech penas ap o baro rajeste: “Koon mank tire tsele budepangre hi jaake ap tiri rig har o David? Ninna hi lo tiri tchakro rom un o pralstuno pral tire feteder lurdende. Un job hi an-diklo an tiro tselo kheer.