Gosewe laba 28:18 - O Debleskro Drom 2021 (Sinte)

¹⁸ Kowa, kai i djudjo djipen djiwell, well win lino dran i bibacht. Kowa, kai ap dui dromma djal, perell ap jekeste.

O Debleskro Lab 2024 (Sinte-Manouche)

¹⁸ Kova, kay i djoudjo djipen djivell, vell vin lino dran i bibarht. Kova, kay ap douy dromma djal, perell ap yekeste.

Gosewe laba 28:18 ပူးပေါင်းရင်းမြစ်များ

Debleskri gili 125:5

Kolen, kai tiro drom mukenn un djan ap bange dromma, deh tu, baro Dewel, i phagi khetne kolentsa, kai i wawarenge tchilatchepen krenna. Bacht te well pral o Israel!

Debleskri gili 25:21

Me rikrau man ap tute miro tselo djijestar. Doleske muk man te djiwap miro djipen an djudjepen un tchatchepen.

Debleskri gili 26:11

Me djiwau an kek tchilatchepen. Ab mange latches un le man win dran o merepen!

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Gosewe laba 10:25

Har i sorelo ducho pral i phub phurdas, his o tchilatcho buder gar koi. Kowa, kai an o tchatchepen tardo hi, atchell hako tsireske.

Gosewe laba 10:27

Kowa, kai djiwell o baro Debleha, djiwell bud bersha. O djipen o tchilatchestar well tikneder.

Gosewe laba 10:9

Kowa, kai an o tchatchepen djiwell, hunte darell gar. Kowa, kai ap bange dromma djal, well tapedo.

Gosewe laba 28:10

Kowa, kai anell o Debleskre menshen ap i tchilatcho drom, kowa perell kokres an i gruba. Kolla, kai kek doosh ap pende anan, lenna latcho koowa.

Gosewe laba 28:6

Hi feteder te hal tchorwelo un djiweh i djudjo djipen, har te wals brawelo un djals ap bange dromma.

4. Mose 22:21

Koi stas o Bileam taissarlake pre, un tchiwas i ledertikri plachta ap peskri burika un djas kol pralstunentsa pral kol Moabarja.

4. Mose 22:32

Un o baro Debleskro bolepaskro penas ap leste: “Hoske dal tu tiri burika triin kope? Dik, me wom pash tute, te rikrap tut pale. Tiro drom, hoi tu djah, hi gar mishto an mire jaka.

4. Mose 22:35

O baro Debleskro bolepaskro penas ap leste: “Dja kol murshentsa! Ma rake wawar koowa har me tuke penau!” Jaake djas o Bileam kol pralstunentsa, kai o Balak bitchras.

Galatarja 2:14

Har me dikom, kai jon gar ap o tchatcho drom djan, jaake har o Jesus les mende sikras, koi penom me ap o Kefaseste glan hakeneste: Ninna te hal i biboldo, djiweh tu gar har i biboldo. Hoske kameh i sorjah, te djiwenn kol patsle, kai kek bibolde hi, har i bibolde?

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.

Debleskro tsiro 3:3

Ma bistrenn, hoi tumenge penlo was un hoi shunan! Un rikrenn ap kal laba! Un awenn pale ap o tchatcho drom! Te krenn kowa gar, un stenn gar pre o sopastar, palle wau pral tumende har i tchorepaskro. Un tumer djinenn gar, hawo tsireske pale wau.