Gosewe laba 27:21 - O Debleskro Drom 2021 (Sinte)

²¹ An i jag well diklo, har bud o rup moldo hi, un an o bob sikrell pes, har bud o sonakai moldo hi. Hoi i mursh moldo hi, sikrell pes ap kowa, hoi pral leste rakedo well.

O Debleskro Lab 2024 (Sinte-Manouche)

²¹ An i yag vell diklo, har boud o roup moldo hi, oun an o bob sikrell pes, har boud o sonakay moldo hi. Hoy i morsh moldo hi, sikrell pes ap kova, hoy pral leste rakedo vell.

Gosewe laba 27:21 ပူးပေါင်းရင်းမြစ်များ

2. Samuel 14:25

An o tselo Israel his kek mursh jaake shukar har o Absalom, un kowa penas hakeno lestar. Un fun o shero bis tel i herja his kek djungelo koowa ap leste.

Hiob 28:1

Tel i phub nai hatsenn le rup. Un o sonakai, les hi i platsa, kai thowenn le les win.

Debleskri gili 12:6

“Kanna”, penell o baro Dewel, “stau me pre. Ap i tchorwelende djan le sorjah. Me shunom lengro ropen. Kanna rikrau mire wasta pral hakeneste, kai peskro tselo djijeha kamell, te wap ap leskri rig.”

Debleskri gili 66:10

Tu, maro Dewel, kamal te dikell, har maro dji ap tute rikrell. Doleske kral tu mentsa har o rupeha, hoi an jag thodo well, te well lo djudjo.

Gosewe laba 17:3

Jaake har o rup an i jag tchiddo well, un o sonakai an i bob, jaake lell o baro Dewel i menshengre djia an o jak.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Maleachi 3:3

Job krell har jek, kai krell o rup djudjo an i jag. Job krell i rashajen dran o kheer Levi jaake djudjo, har sonakai un rup djudjo kerdo wenna. An ko tsiro anenn jon o baro Debleske sawe viechen, hoi tchatcho hi glan leskre jaka.

Louka 6:26

Bibacht well ap tumende, te rakrenn i tsele menshe tumendar latches. Kolengre phure rakran ninna latches pral i chochene rakepangre, kai penan, te wan le o Deblestar, un wan gar lestar.

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.

1. Petro 4:12

Kamle mala, tumaro dji well gar dareno, te wenn tumer soreles palla lino. Sawo koowa djal kolenge, kai patsle hi. Kote well diklo, har tumaro patsepen hi.

1. Samuel 18:30

Un bud kope an o marepen i Filistarentsa his o David sorleder har hako wawar o Sauleskre pralstune lurdendar. Un o Davideskro lab was sharedo un hadedo.