Gosewe laba 27:18 - O Debleskro Drom 2021 (Sinte)

¹⁸ Kowa, kai ap peskro faigetikro ruk jak della, kowa chal lestar ninna. Un kowa, kai ap peskro rajeste latchepen krell, well lestar sharedo.

O Debleskro Lab 2024 (Sinte-Manouche)

¹⁸ Kova, kay ap peskro faygetikro rouk yak della, kova rhal lestar ninna. Oun kova, kay ap peskro rayeste lačepen krell, vell lestar sharedo.

Gosewe laba 27:18 ပူးပေါင်းရင်းမြစ်များ

2. Rajengro liil 18:31

Ma shunenn ap o Hiskija! Shunenn ap mande: O rai pral o them Assur penell tumenge: Was men khetne mala, un awenn pash mande win! Palle nai chal hakeno peskre molengre drake un faige peskre rukendar, un nai pijell peskro pani dran peskri brunna,

2. Rajengro liil 3:11

O Josafat penas: “Hi kek baro Debleskro rakepaskro kai, te putchell kowa menge o baro Deblestar?” Koi penas jek kol murshendar ko baro rajestar pral Israel un penas: “Kate hi o Elisa, koleskro dad o Shafat hi. Job budras o Elijeske, tchoras leske o pani ap i wasta.”

2. Rajengro liil 5:25

Un har jon krik djan, was job glan peskro rajeste. Un o Elisa putchas: “Gehasi, kai weh tu?” Kowa penas: “Me homs gar krik, miro rai.”

2. Rajengro liil 5:27

Ko nasslepen, hoi o Naamanes ap peskro mass his, perell ap tute un tire menshende, kai pal tute wenna.” Koi djas o Gehasi lestar krik, un ko nasslepen his ap leskro mass un dikas win har gib.

Ester 6:11

Kote las o Haman kol koola un ko grai un djas pash o Mordekai un riwas leske kol koola an, un anas les pral ko foreskri platsa, un kharas glan leste win: ‘Jaake krell o baro rai ko mursheha, koles job kamell o djijestar te hadell.’

Debleskri gili 123:2

Jaake har i budepaskro ap o wast peskro rajestar dikella, un i budepaskretsa ap i wasta peskri ranjatar dikella, jaake dikah mer ap maro baro Debleste, bis te krell lo menge peskro dji pre.

2. Mose 24:13

Koi djas o Mose pre ap o Debleskri berga. Leskro budepaskro Josua djas leha.

Gosewe laba 17:2

I budepaskro, kai djinell, hoi te krell, kowa well o rai pral o tchaweste ko kherestar, kai ladj ap peste anas. Ko budepaskro lell palle ninna kolestar, hoi i tchawe lenna pral pengro dadeskro merepen.

Gosewe laba 22:29

Dikeh i mursh, kai peskri budi haiwella, palle djiness, kowa nai budrell bare rajenge. Sawenge, kai gar an-diklo hi, budrell lo gar.

Gosewe laba 27:17

Te dell saster ap saster, wenn hake dui har i tchuri, hoi mishto tchinell. Kai menshe khetne hi, sikell jek o wawarestar, har te djan le mishto khetne trujel.

Gosewe laba 27:19

An o pani nai dikeh tiro mui. Un an tiro dji nai dikeh, har hal.

Kamlepaskri gili 8:12

Salomo, tut nai well kol sero kotja rup, un dui-sheel nai wenn i hachen! Man hi miro kotar them mire drakentsa!

Jesaja 36:16

Ma shunenn ap o Hiskija! Shunenn ap mande: O rai pral o them Assur penell tumenge: Was men khetne mala, un awenn pash mande win! Palle nai chal hakeno peskre molengre drake un faige peskre rukendar, un nai pijell peskro pani dran peskri brunna,

Mateo 24:25

Ma bistrenn, hoi me tumenge penom!

Mateo 24:46

Bachtelo hi lo, te well leskro rai pale, un dikell, kai job peskri budi mishto kras.

Markus 10:43

Mank tumende hunte well kowa gar jaake! Koon tumendar kamell, te well lo baro, kowa hunte well tumaro budepaskro.

Louka 12:37

Bachtele hi kol budepangre, kai sowenn gar, te well lengro rai pale. Me penau tumenge: O rai penell lenge, te beshenn le pen tele, te chan le. Un job pandell peske i damdira trujel, un hi lenge koi.

Louka 12:42

Penas o Jesus: “I latcho budepaskro dell mishto garda ap peskro rajeskro kheer, un sowella gar. Leskro rai das peskre tsele budepangren an leskre wasta. Un ko latcho budepaskro dell lende hako diwes kowa, hoi len hunte well djipaske.

Louka 19:17

Penas lo ap koleste: Kowa kral tu mishto. Tu hal o latcho budepaskro. Me tchiwom i tikno koowa an tire wasta, un tu kral i bari budi koleha. Doleske kamau, te wess tu o pralstuno pral deesh forja.

Johanni 12:26

Koon kamell mange koi te well, kowa hunte djal mantsa. Kote, kai me hom, hi ninna kowa, kai mange koi hi. Kowa, kai mange koi hi, well sharedo miro dadestar.

Bičepangre 10:7

Har o bolepaskro peske djas, kharas o Kornelio dui budepangren un i patslo lurdes pash peste kolendar, kai his hako tsiro pash leste.

1. Korintarja 3:8

Kowa, kai o djob an i phub witsrella hi jaake baro har kowa, kai pani pre tchorella. Un o Dewel dell hakenes, hoi leskri budi moldo hi.

1. Korintarja 9:13

Djinenn tumer gar, kai kolla, kai an o Debleskro baro kheer budrenna, kote lenna, hoi len hunte well djipaske? Un kolla, kai anenn marede viechen glan o Debleste, kolla nai chan ninna i kotar kolestar, hoi o Debleste dino wella.

1. Korintarja 9:7

Kek tserdella an o kurepen un plaissrell pes kokres. Kek tchiwell i drakengre ruka an i phub, un chal gar i drake. Kek dell peskre bakren senlepen te chal, un pijell gar lengro thud.

Kolossarja 3:22

Tumer budepangre, shunenn hako tsiro ap tumare rajende, kolenge tumer hunte budrenna! Ma krenn tumari budi jaake, te sharenn tumen i menshe! Na-a! Budrenn lenge o tchatcho djijestar, un jaake, har kamell o rai Jesus kowa tumendar.

2. Timoteo 2:6

O hacho, kai phares budrella, hi o glanstuno, kai chal kolestar, hoi dran i phub was.

1. Petro 2:18

Tumer budepangre, shunenn ap tumare rajende, ap kolende, kai latcho un kamlo hi un ninna ap kolende, kai tchilatcho hi.

1. Petro 2:21

Job das tumen pash peste gole, te krenn o latchepen, un te rikrenn i duka win. Ninna o Jesus Kristo las tumenge duka ap peste. Job kras kowa, te sikrell lo tumenge, har te djan leske palla.

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.