Gosewe laba 25:6 - O Debleskro Drom 2021 (Sinte)

⁶ Ma kre tut bares glan o baro rajeste, un pash i pralstunende ab gar tardo!

O Debleskro Lab 2024 (Sinte-Manouche)

⁶ Ma kre tout bares glan o baro rayeste, oun pash i pralstunende ab gar tardo!

Gosewe laba 25:6 ပူးပေါင်းရင်းမြစ်များ

Debleskri gili 131:1

I gili o Davidestar te giwell ap o drom an Jerusalem. Baro Dewel, me hom gar pre-phurdo, un mire jaka dikenn gar tele ap i wawarende. Me kamau gar baro koowa, witar gar sawo koowa, hoi dur pral mande hi.

2. Mose 3:11

Koi penas o Mose ap o Debleste: “Me, koon hom me, te djap me pash o Farao, un anap i tsele Israelitarja dran o them Egiptia win?”

Gosewe laba 16:19

Hi feteder te weh gar an-diklo un djiweh i tchorwelentsa, har te wess jek kolendar, kolen i baro mui hi, un djiweh fun lengro tchoredo koowa.

Gosewe laba 25:27

Bud gwin hi gar mishto. Jaake hi ninna, te shareh tu i wawares bud shukar labentsa.

Gosewe laba 25:5

Le o tchilatches krik o baro rajestar, palle atchell job i baro rai, kai an o tchatchepen tardo hi.

Gosewe laba 25:7

Hi feteder, te penenn le ap tute ‘ab kate pre’, har te bitchrenn le tut tele kotar, kai beshal tut, un denn tiri beshepaskri i wawareste, kai budeder an-diklo hi.

Gosewe laba 27:2

Muk i wawaren tut te sharell un gar tiro mui! Hi feteder te sharell tut i wawareskro mui har tiro mui.

Louka 14:10

Tu te djah ap i bijab, palle besh tut ap o telstuno beshepaskro! Un kowa, kai kamas, te djah tu ap peskri bijab, wella pash tute un penella: Miro maal, besh tut ap i feteder beshepaskro! Un lauter, kai kote ap i bijab hi, dikenn, kai tu i an-diklo mursh hal.

Louka 14:8

“Te penell jek ap tute: Am ap i bijab! palle besh tut gar ap o feteder beshepaskro kote! Nai well jek mursh, kai hi bareder har tu.

1. Samuel 15:17

Un o Samuel penas: “Hi gar jaake? Har hals tikno an tire jaka, wal tu o pralstuno pral o Israel. O baro Dewel kras, te wal o baro rai pral i deesh-te-dui bare familje, kai wenna o Israeleskre deesh-te-dui mursh tchawendar.