Gosewe laba 25:23 - O Debleskro Drom 2021 (Sinte)

²³ I phurdepen un kale wolke anenn brishin, un i tchip, hoi pal o wast rakrell, anell choli.

O Debleskro Lab 2024 (Sinte-Manouche)

²³ I phourdepen oun kale volke anenn brishin, oun i čip, hoy pal o vast rakrell, anell rholi.

Gosewe laba 25:23 ပူးပေါင်းရင်းမြစ်များ

Hiob 37:22

Fun kotar, kai norden hi, well tchomone har sonakai. O Dewel well an peskro railepen. Ko railepen trul leste krell men daar.

Hiob 37:9

O sorelo phurdepen well fun tchatches dran peskro kheer, un o shil well fun serwes.

Debleskri gili 101:5

Koon rakrell tchorchanes djungelo koowa pal o dumo kolendar, kai trul leste hi, koles pandau leskro mui. Kamau koles gar, kai pre-phurdo hi, un ap wawar menshende tele dikell.

Debleskri gili 15:3

witar kek djunglepen pral jekeste penella. Kowa, kai peskro maleske kek tchilatchepen krella, un kolen gar praassella, kai pash leste djiwenna.

Debleskri gili 35:16

Khetne kol tchilatchentsa praassan le man un sikran mange pengre danda.

Gosewe laba 26:20

Kote, kai buder kek kasht hi, kote djal i jag win, un kote, kai kek buder hi, kai chochepen ap wawarende pre anell, kote djal o tchingepen krik.

Remarja 1:30

un rakrenn chochepen pral lende. Jon praassenn o Debles un i menshen, un hadenn pen pre un hi sharedo. Jon rodenn, har te krenn le o tchilatchepen. Jon shunenn gar ap pengro dadeste un ap pengri date.

2. Korintarja 12:20

Me trashau, te wau pash tumende, dikau sawo koowa pash tumende, hoi kamau gar. Palle hom me witar gar jaake har tumer kamenna. Me trashau te dikau tchingepen mank tumende, ninna silwepen, choli, praassepen, djungelo rakepen pral o wawareste, pre-phurdepen, bipandlo djipen, un jek kamell feteder te well har ko wawar.