Gosewe laba 25:12 - O Debleskro Drom 2021 (Sinte)

¹² I gosewo mensho, kai trad dell, un i kand, hoi ap leste shunell, kolla hi har i sonakaskri gustri un i sonakaskri werkli trul i meen.

O Debleskro Lab 2024 (Sinte-Manouche)

¹² I gosevo mensho, kay trad dell, oun i kand, hoy ap leste shounell, kolla hi har i sonakaskri goustri oun i sonakaskri verkli troul i meen.

Gosewe laba 25:12 ပူးပေါင်းရင်းမြစ်များ

2. Samuel 1:24

Tumer tcha an o Israel, rowenn pral o Saul, kai das tumen kutch ripja, un ninna sonakai, te krenn tumen shukar.

Hiob 28:17

O sonakai un kutch glaso hi gar jaake kutch har o goswepen. Witar kek shukar sonakangre tchare nai dell jek, te lell lo o goswepen.

Hiob 42:11

Un leskre tsele phrala un phenja un kolla, kai les glan ko tsiro prindjran, wan pash leste, un chan khetne leha, un rakran latches leha, un penan har koi bibacht lenge dukas, hoi mukas o baro Dewel pral leste te well. Un hakeno das les i sonakaskri bema un i gustri.

Debleskri gili 141:5

Latche menshe mu denn man i phagi, un tchingrenn mantsa an o latchepen. I tchilatchendar kamau gar, te sharenn le man. Un me mangau o Deblestar, te krenn le mange kek tchilatchepen.

2. Mose 32:2

O Aron penas ap lende: “Lenn i sonakangre kanengre, hoi tumare romja, mursh tchawe un tcha an i kanda hi, un anenn len mange.”

2. Mose 35:22

Mursha un djuwja anan pendar sonakaskro koowa: sonakangre subja, kanengre, gustria, werklia un wawar sonakangre koola o baro Debleske.

Gosewe laba 15:5

O dinelo shunell gar ap leskro dadeste, te dell lo les trad. Kowa, kai shunell koi pre, hi gosewo.

Gosewe laba 20:12

O kand, hoi shunell un i jak hoi dikell, kol dujen kras o baro Dewel.

Gosewe laba 9:8

Te peneh i pre-phurdes, kai kowa, hoi lo kras, gar mishto hi, palle well lo chojedo ap tute. Te peneh i gosewes, kai kowa, hoi lo kras, gar mishto hi, palle kamell lo tut.

Sikepaskro 7:5

O mensheske hi feteder te shunell lo ap i goseweste, kai tchingrell leha, har te shunell lo ap i gilja, kolentsa i dinele les sharenn.

Ezekiel 16:12

i gustri an tiro nak, un kanengre an tire kanda, un i kutch rajeskri stadi ap tiro shero.

Mateo 12:35

Dran i latcho mensheskro dji wella latcho koowa. Dran i tchilatcho dji wella tchilatcho koowa.