Gosewe laba 24:31 - O Debleskro Drom 2021 (Sinte)

³¹ Un subjengre burra his koi tardo un lauter djungelo senlepen, un i massuri trul ko kotar them his tele peredo.

O Debleskro Lab 2024 (Sinte-Manouche)

³¹ Oun soubyengre bourra his koy tardo oun lauter djoungelo zenlepen, oun i massouri troul ko kotar them his tele peredo.

Gosewe laba 24:31 ပူးပေါင်းရင်းမြစ်များ

Hiob 30:7

Mashkral i burra denn le gole, un tel i subjengre burra wenn le khetne.

Hiob 31:40

palle te well buder kek gib un djob win dran miri phub! Na-a, palle te anell i phub subjengre burra un djungelo senlepen win! Kate herell o Hiobeskro rakepen pre.

Gosewe laba 13:4

Kowa, hoi jek kamell, kai kamell gar te budrell, well les gar. Kolenge, kai bud budrenn, hi doha koi.

Gosewe laba 19:23

Te djiweh o baro Debleha, hi tut o djipen: tut hi doha chapaske; tu nai soweh mishto; kek bibacht well ap tute.

Gosewe laba 20:4

Ko tchi-moldo, kai kamell gar ap peskri phub te budrell an o tchatcho tsiro, kowa hatsell tchi an ko tsiro, kai o djob dren anlo well.

Gosewe laba 22:13

Ko tchi-moldo, kai kamell gar te budrell, penell: I lewo hi win ap o drom, kai nai chals man.

Gosewe laba 23:21

Ko pipaskro un ko chapaskro wenn tchorwelo, un kolenge, kai kamenn gar te budrell, well ko tsiro, kai hi len tchi te riwell har koola hoi paash hi.

Gosewe laba 24:32

Un me dikom kowa, un mukom les an miro dji te djal; un kowa sikras mange:

Sikepaskro 10:18

Te kamell jek gar te budrell, perell leskro kheer khetne, un o brishin well dren.

Jesaja 5:5

Jaake kamau tumenge kanna penell, hoi kamau te krell ko drakengro themeha, hoi mange hi. Me kamau kol burra krik te lell, hoi trul leste hi, jaake te well lo tele chalo, un leskri massuri mukau tele te phagell, jaake te well lo khetne stakedo.

Jesaja 5:6

Un me mukau ko them tchiddo, har lo hi. I ruka wenn gar pale tchinlo, un i phub gar trujel witsedo. Palle wenna subjengre burra un subjengro senlepen bares koi pre. Un me penau o brishineske, te perell lo gar koi tele.

Jeremia 4:3

Kowa hi, hoi penell o baro Dewel i menshenge an Juda un an Jerusalem: Lenn i newo kotar phub un phagenn i phub pre! Ma witsrenn o djob mank i subjengro senlepen!

Mateo 13:22

Wawar menshe hi har ko kotar phub, kai o djob tel i subjengre burra peras. Jon shunan ko lab. Palle dikenn le ap i phubjakro koowa un kamenn brawele te well. Un o brawlepen chochell i menshen. Un ko lab, hoi shunan le, well tassedo, un nai rakrell buder gar an lengro dji.

Mateo 13:7

Wawar djob peras mank i subjengre burra, un kol burra wan jaake baro, te las o djob kek ducho buder, un job meras.

Hebrearja 6:8

Job dikell gar latches ap koleste, te hi lo har koi wawar phub, hoi anell subjengre burra, un wawar djungele burra win. Koi phub hi tchi moldo, un pal i tsiro well li chatchedo.