Gosewe laba 24:15 - O Debleskro Drom 2021 (Sinte)

¹⁵ Ma lure har i tchilatcho ap o kheer kolestar, kai an o tchatchepen tardo hi! Ma de koi platsa khetne, kai tchiwell lo pes sopaske!

O Debleskro Lab 2024 (Sinte-Manouche)

¹⁵ Ma loure har i čilačo ap o kheer kolestar, kay an o čačepen tardo hi! Ma de koy platsa khetne, kay čivell lo pes sopaske!

Gosewe laba 24:15 ပူးပေါင်းရင်းမြစ်များ

Debleskri gili 140:5

Baro Dewel, de ap mande jak, te taprenn man i tchilatche gar! Khate man glan i marepangre, glan kolende, kai kamenn te perap!

Debleskri gili 37:32

O tchilatcho lell koles an o jak, kai an o tchatchepen tardo hi, te hatsell lo i drom, te nai dell lo les mulo.

Debleskri gili 56:6

O tselo diwes rissrenn le mire laba trujel. Jon rodenn, har nai dukrenn le man.

Debleskri gili 59:3

Le man win dran i wasta kol tchilatchendar, kol menshendar, kai kamenn te dikell, har miro rat nashell.

Gosewe laba 1:11

Jon nai penans: “Am mentsa! Mer lurah jekes pre un marah les. Mer nai hatsams sawen, kai kek tchilatchepen an lengro shero hi. Kolen lah palla, te well men tchomone sapaske.

Gosewe laba 22:28

Ma tchip kol phure barra krik, hoi sikrenn har baro tiro them hi, un hoi tire phure kote tchiwan.

Jesaja 32:18

Palle djiwenn mire menshe an i them, kai kek kurepen hi, an khera, kai hunte well len kek daar, te krell jek lenge tchomone, un ap platse, kai nai atchenn le, un kek tradell len krik.

Jeremia 11:19

Me homs har i terno bakro, kai djinell gar, te well lo kote anlo, kai well lo maredo. Jaake djinom gar, kai rakran le khetne, har te krenn le mange tchilatchepen. Jon penan mandar, har te woms i ruk: Mer dah ko ruk tele, jaake rah har hi lo sasto. Maras les, te well lo bistedo!

Mateo 26:4

Un jon rodan i drom, har nai taprans le o Jesuses tchorchanes, te marenn le les.

Bičepangre 23:16

Har o Pauleskri phenjakro tchawo shunas, kai kamenn jon o Paules te marell, djas lo an o lurdengro kheer, un penas kowa o Pauleske.

Bičepangre 25:3

Un jon mangan o Festestar soreles, te krell lo lenge i latchepen, te mukell lo o Paules an o foro Jerusalem te anell. Mank pende kran i bibolde win, te marenn le o Paules ap o drom an o foro Jerusalem.

Bičepangre 9:24

Kowa was o Sauleske penlo. I rati un ap o diwes dan i bibolde jak glan kol foreskre wudja, te taprenn le les, un te marenn le les.

1. Samuel 9:11

Un har jon i tikni berga pre djan, wan terne tcha dran o foro, kai lenn o pani. Un kolen putchan le: “Hi o dikepaskro kai?”