Gosewe laba 24:13 - O Debleskro Drom 2021 (Sinte)

¹³ Cha gwin, miro tchawo! latcho hi lo, un gudlo an tiro mui.

O Debleskro Lab 2024 (Sinte-Manouche)

¹³ Rha gvin, miro čavo! lačo hi lo, oun goudlo an tiro mouy.

Gosewe laba 24:13 ပူးပေါင်းရင်းမြစ်များ

Debleskri gili 119:103

Tiro lab hi har i gudlo chapen mange, awa, gudleder har gwin hi lo.

Debleskri gili 19:10

Te hadau o baro Debles pre, hi kowa mishto. Hako tsiro well lo hadedo. O tchatchepen, hoi o baro Dewel win rakrella, hi lauter latcho un tchatcho.

Gosewe laba 16:24

Kamle laba hi har gwin, rakrenn kamles an o dji un denn newi soor.

Gosewe laba 25:16

Te hatsal gwin, palle cha gar budeder har tuke mishto hi, te wess gar tchalo lestar un hunte tchadess les pale win.

Gosewe laba 25:27

Bud gwin hi gar mishto. Jaake hi ninna, te shareh tu i wawares bud shukar labentsa.

Gosewe laba 27:7

Kowa, kai tchalo hi, mukell o feteder gwin tardo. Koles bok hi, koleske hi shutlo koowa har te well lo gudlo.

Kamlepaskri gili 4:11

Miri pirni, tire tchumma hi har gwin, gudlo har gwin un thud. Un tire koola, hoi ap tute hi, sungenna latches har o Libanon sungella.

Kamlepaskri gili 5:1

Me wau an miri baar, hejo, miri pirni. Un lau mire sungepaskre rukengre, kashta un patria. Un chau miro gudlo gwin, un pijau miri mool un miro thud. Chan, mala, un pijenn! Un wenn mate an tumaro kamlepen!

Jesaja 7:15

Khil un gwin chal lo, bis te djinell lo, hoi tchilatcho un hoi latcho hi.

Mateo 3:4

I plaashka dran viechengre balla his ap leste. Un i ledertikri dori his trul leste. Un leskro chapen his gwin un tikne stepangre, kai stenn an o senlepen trujel.

Čačepangre 14:9

Un job las o gwin an peskro wast, un chas les ap o drom pash o djapen. Un har job pash peskro dadeste un peskri date was, das lo len ninna kolestar, te chan le. Kai las lo ko gwin dran o mulo lewo, penas lo lenge gar.

1. Samuel 14:27

O Jonatan shunas gar koi sowel, hoi peskro dad ap i tsele lurdende tchiwas. Un job las peskro kasht un las leha gwin, un chas les. Un sik djas leske feteder.