Gosewe laba 23:26 - O Debleskro Drom 2021 (Sinte)

²⁶ Miro tchawo, kre tiro dji mange pre, un dja ap mire dromma!

O Debleskro Lab 2024 (Sinte-Manouche)

²⁶ Miro čavo, kre tiro dji mange pre, oun dja ap mire dromma!

Gosewe laba 23:26 ပူးပေါင်းရင်းမြစ်များ

Debleskri gili 1:2

Kowa hi bachtelo, kai kamell o baro Debleskre laba, un mukell kol laba peske an o shero trujel te djal ap o diwes un an i rat.

Debleskri gili 107:43

Koon gosewo hi, bistrell kowa gar, un haiwell, har latcho o baro Dewel hi.

Debleskri gili 119:2

Har bachtelo hi kolla, kai jaake djiwenn, har job lenge sikras, un pengro tselo djijestar ap leste shunenn.

Debleskri gili 119:24

Tire laba, hoi sikrenn mange, har te djiwap, krenn man bachtelo. Jon hi mange har i latcho maal, ap koleste me shunau.

Gosewe laba 3:1

Miro tchawo, ma biste kowa, hoi tuke sikrom, rike mire laba an tiro dji!

Gosewe laba 4:23

De jak ap kowa, hoi patseh dur an tiro dji! Kolestar well o djipen.

Gosewe laba 4:4

kote sikras lo man, har te djiwap, un penas: An tiro dji le mire laba pre un biste len gar! Rike ap mire laba, palle djiweh.

Hosea 14:9

Palle penell o Efrajim ap mande: Hoi te krap kanna i mule deblentsa? Me shunau un dikau ap tute. Me hom har i baro senelo ruk. Kowa, hoi ap mande bares well, well tutar.

Louka 14:26

“Koon pash mande wella, un kamell peskro dades, peskri dat, peskri romjat, peskre tchawen, peskre phralen, peskre phenjen, un peskro djipen budeder har man, kowa nai well gar miro maal.

2. Korintarja 8:5

Kowa, hoi jon kran, his budeder har mer patsam. Jon tchiwan pen an o wast o Jesusestar, maro rajestar, un pal kowa an mare wasta, jaake har o Dewel kowa kamas.

Efesarja 3:17

Me mangau lestar ninna, te djiwell o Jesus Kristo an tumende dran tumaro patsepen, un te kamenn tumer o Debles un ninna jek o wawares o djijestar. Palle han tumer har i ruk, koleskre draba djan dur an i phub. Un tumer han har i kheer, hoi soreles tardo hi.

5. Mose 6:5

Tu kamess les tiro tselo djijestar un tiro tselo djipah un tiri tseli sorjah.

2. Petro 1:19

Doleske djinah mer tchatchepah, kai kowa tchatcho hi, hoi o Debleskre rakepangre penan. Tumer krenna mishto, te denn garda koi pre. Ko lab hi har i momeli, hoi chatchella an i rat, bis te well o diwes. Palle djal i raili momeli an tumare djia pre.