Gosewe laba 23:10 - O Debleskro Drom 2021 (Sinte)

¹⁰ Ma tchip kol phure barra krik, hoi sikrenn, har baro tiro them hi. Ma le i phub kol tchawendar krik, kolen kek dad buder hi.

O Debleskro Lab 2024 (Sinte-Manouche)

¹⁰ Ma čip kol phoure barra krik, hoy sikrenn, har baro tiro them hi. Ma le i phoub kol čavendar krik, kolen kek dad bouder hi.

Gosewe laba 23:10 ပူးပေါင်းရင်းမြစ်များ

Hiob 22:9

Koi djuwel, kolakro rom meras, bitchral tu tutar krik, un dal lat tchi an o wast. Un djal kol tchawentsa tchilatches trujel, kolengro dad meras.

Hiob 24:9

Tchilatche menshe lenn sorjah i tchorweli dake o ternepen dran i mussja krik, koleskro dad meras. Un jon penenn ap late: ‘Me dau les tuke pale, te plaissral mange tiri sijaan.’

Hiob 6:27

Tumer han sawe, kai khelans trul i tchaweste, koles kek dad buder hi, un bikrans tumaro males lowenge.

Debleskri gili 94:6

Kol djuwjen, kolengro rom meras, marenn le, ninna i wi-themarjen, un kol tchawen, kolen kek dad buder hi, denn le mulo.

2. Mose 22:22

Te kreh tu lenge o djipen phares, un jon denn ap mande gole, shunau me len.

Gosewe laba 15:25

O baro Dewel phagell o kheer kolestar, kai pre-phurdo hi. Job dell jak, te lell kek koi phub i romjatar krik, kolakro rom meras.

Gosewe laba 22:28

Ma tchip kol phure barra krik, hoi sikrenn har baro tiro them hi, un hoi tire phure kote tchiwan.

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Jeremia 7:5

Mukenn tumaro phuro drom un tumaro phuro djipen, un awenn latcho ap hakeneste!

Jeremia 7:6

Ma rikrenn kolen tele, kai hi dran i wawar them, witar gar kol tchawen, kai len kek dad buder hi, un kol romjen, kai len kek rom buder hi! Ma denn kol menshen ratles, kai kek tchilatchepen kran! Ma nashenn wawar deblenge palla. Jon anenn tumen an i bibacht.

Zakarie 7:10

Ma krenn tchilatchepen kol romjenge, kolengro rom meras, un kol tchawenge, kolen kek dad buder hi, witar gar kolenge, kai wi-themarja hi un kol tchorwelenge! Ma lenn tumenge glan an tumare djia, te dukrenn tumaro phrales!”

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

5. Mose 19:14

An ko tsiro, kai djiwenn an ko them, hoi tumaro baro Dewel tumen dell, te lenn les tumenge dren, palle hunte tchiwess gar kol barra ap i rig, hoi sikrenn har baro hi ko kotar them kolestar, kai langs tute djiwell. Kolla his tire phure, kai tchiwan kol barra koi.

5. Mose 27:17

“Praassedo well kowa, hoi i barra ap i rig tchiwell, hoi sikrenn har baro o wawareskro kotar them hi.” Un i tsele menshe hunte penenn: Amen!

Jakobo 1:27

Kanna penau tumenge, hoi o Dewel, maro dad, kamella, un hoi hi latcho glan leskre jaka: Krenn latchepen i tchorwele djuwjenge, kolen kek rom buder hi! Krenn ninna latchepen kol tchorwele tchawenge, kolen kek dad un dai buder hi! Ma mukenn tumen dren an ko tchilatcho koowa, hoi i menshe ap kai phub krenna.