Gosewe laba 22:8 - O Debleskro Drom 2021 (Sinte)

⁸ Kowa, kai chochepen win witsrell har djob, kowa anell bibacht dren. Palle nai djal lo buder gar i wawarentsa jaake trujel har job kamell.

O Debleskro Lab 2024 (Sinte-Manouche)

⁸ Kova, kay rhorhepen vin vitsrell har djob, kova anell bibarht dren. Palle nay djal lo bouder gar i vavarentsa yaake trouyel har yob kamell.

Gosewe laba 22:8 ပူးပေါင်းရင်းမြစ်များ

Hiob 4:8

Jaake har me les dikom, well tchilatchepen pral kolende, kai tchilatchepen kran, un bibacht pral kolende, kai bibacht ap wawarende anan.

Debleskri gili 125:3

I tchilatche atchenn gar i raja pral o them kolendar, kai an o tchatchepen tardo hi. Te wals jaake, nai krans kolla ninna o tchilatchepen.

Gosewe laba 1:31

Doleske hunte chan le, hoi ap lengre dromma bares was. un wenn tchalo kolestar, hoi an lengre sherja trujel djas.

Gosewe laba 14:3

O rakepen o dinelestar sikrell peskro pre-phurdepen. I laba i gosewendar hi har wasta trul leste, hoi rikrenn len.

Jesaja 10:25

An i tikno tsiro rissrau miri choli tumendar krik, un miri choli perell ap i menshende an o them Assur un anell lenge o merepen.

Jesaja 10:5

Hawi bibacht well ap i menshende an o them Assur! Har homs chojedo ap o Israel, his i Assirja har i kasht an miro wast, koleha i Israelitarjen dom.

Jesaja 14:29

Tumer menshe an o them Filistia, ma awenn bachtelo, te was o kasht, koleha dino wan, kanna phagedo. Te merell i sap, well i djungleder sap pal leste. Un lestar well i wawar sap, hoi hi gomme djungleder un nai hadell pes har i tchirklo.

Jesaja 30:31

I Assirja lenn bari traash, te shunenn le o baro Debleskro rakepen, un dikenn, te dell lo len peskro kashteha.

Jesaja 9:4

I lurdengre kircha, kolentsa i lurde phares pre stakran un lengre baja, kai rat ap lende hi, wenn an i jag witsedo un chatchrenn pre.

Hosea 10:13

Tumer kran o tchilatchepen, un tumaro djipen anas tchilatcho koowa win. Un tumer chan, hoi dran tumaro chochepen win was. Tumer djan pal tumaro shero, un dikenn ap tumare bare un sorele kurepangre, te wenn le tumenge ap i rig.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.