Gosewe laba 22:4 - O Debleskro Drom 2021 (Sinte)

⁴ Kowa, kai krell pes gar bares un djiwell o baro Debleha, lell brawlepen un sharepen un o tchatcho djipen.

O Debleskro Lab 2024 (Sinte-Manouche)

⁴ Kova, kay krell pes gar bares oun djivell o baro Debleha, lell bravlepen oun sharepen oun o čačo djipen.

Gosewe laba 22:4 ပူးပေါင်းရင်းမြစ်များ

Gosewe laba 19:23

Te djiweh o baro Debleha, hi tut o djipen: tut hi doha chapaske; tu nai soweh mishto; kek bibacht well ap tute.

Gosewe laba 21:20

I shukar brawlepen un kutch djet hi an o kheer kolestar, kai gosewo hi. I dinelo dell peskre lowe sikeder win, har lell lo len.

Gosewe laba 21:21

Kowa, kai o tchatchepen un o latchepen palla nashell, kowa hatseh o djipen un well an-diklo.

Gosewe laba 22:3

Koles i gosewo dji hi, kowa dikell, har i bibacht wella un khatrell pes. Kolen tchi an o shero hi, kolla nashenn dureder, un i bibacht well ap lende.

Gosewe laba 22:5

O drom, kai i tchilatche djana, hi pherde subjengre burra un shelle, kai nai stakrenn le dren. Kowa, kai ap peskro djipen jak dell, djal kote gar.

Gosewe laba 29:23

O pre-phurdepen i menshestar krell, te perell lo. Kowa, kai hadell pes gar, well an-diklo.

Gosewe laba 3:16

An peskro tchatcho wast, rikrell o goswepen i lengsto djipen tuke, peskro serwo wasteha dell lo tut brawlepen un railepen.

Gosewe laba 31:30

O shukapen atchell gar, un i shukar djuwel well ninna phuro. I romni, kai djiwell o baro Debleha, kolat sharenn le.

Jesaja 33:6

Un tumer menshe an Jerusalem, tumenge well i tsiro, kai hunte darenn tchi. Bud bacht un goswepen well tumenge. Tumer djinenn, hoi tumenge mishto un gar mishto hi, un djiwenn o baro Debleha. Job hi tumaro bareder brawlepen.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

1. Timoteo 4:8

Te dikeh ap kowa, te wenn tire mussja un herja soreles, hi kowa gar bud moldo. Te dikeh ap kowa, te well tiro patsepen soreles, hi kowa bud moldo, un tu leh o tchatcho djipen. Ko djipen dell tut o Dewel kanna ap kai phub un an ko tsiro, hoi wella.

Jakobo 4:10

Witsrenn tumen tele glan o Debleste! Un job krell tumen bares.

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.