Gosewe laba 22:23 - O Debleskro Drom 2021 (Sinte)

²³ O baro Dewel lell lengro koowa an o wast. Un kowa, kai len win randas, koleske lell job o djipen krik.

O Debleskro Lab 2024 (Sinte-Manouche)

²³ O baro Devel lell lengro koova an o vast. Oun kova, kay len vin randas, koleske lell yob o djipen krik.

Gosewe laba 22:23 ပူးပေါင်းရင်းမြစ်များ

Debleskri gili 103:6

O baro Dewel tchiwell o tchatchepen pre, un dell kolende pengro tchatchepen, kai wenn tele rikedo.

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 12:6

“Kanna”, penell o baro Dewel, “stau me pre. Ap i tchorwelende djan le sorjah. Me shunom lengro ropen. Kanna rikrau mire wasta pral hakeneste, kai peskro tselo djijeha kamell, te wap ap leskri rig.”

Debleskri gili 140:12

Koles i tchilatchi tchip hi, koles te well kek bacht an kau them! Un i marepangre, te wenn le tradedo i bibachtjatar un hunte perenn!

Debleskri gili 140:13

Me djinau, te lell o baro Dewel i tchorwelengro koowa an peskro wast, un dell jak, te lenn le pengro tchatchepen.

Debleskri gili 35:1

I gili o Davidestar. Baro Dewel, le miro koowa an tiro wast un tchinge kolentsa, kai mantsa tchingrenna! Kure tut kolentsa, kai kurenn pen mantsa!

Debleskri gili 35:10

Lauter, hoi an mande hi, penell: Baro Dewel, koon hi jaake har tu? Tu leh o tchorweles win dran i wasta kolendar, kai sorleder hi har job. Tu leh koles, kai bibachtelo un tchorwelo hi, win dran i wasta kolendar, kai tchoran leskro koowa.

Debleskri gili 43:1

Miro Dewel, kre te lap miro tchatchepen! Le miro koowa an tiro wast, un rake mange latches pash kol menshende, kai kamenn tchi tutar te djinell! Le man win dran o wast i chochenendar un tchilatchendar!

Debleskri gili 68:5

Giwenn o Debleske! Bashrenn un hadenn leskro lab! Krenn leske i drom, koleske, kai ulerell ap o bolepen. ‘Baro Dewel’ hi leskro lab. Awenn bachtelo un giwenn glan leste!

2. Mose 22:22

Te kreh tu lenge o djipen phares, un jon denn ap mande gole, shunau me len.

2. Mose 22:23

Un me taprau sawi bari choli, te dau tumen o chareha temerl, jaake te hi palle tumare djuwjen buder kek rom un tumare tchawen buder kek dades.

Gosewe laba 21:7

I tchilatche kamenn gar te djiwell pal o tchatchepen. Ko tchilatcho koowa, hoi krenn le ap i wawarende, anell len jaake dur, te nashrenn le halauter.

Gosewe laba 23:11

O baro Dewel well lenge soreles ap i rig, un lell lengro koowa an o wast, un krell o tchatchepen pral tute win.

Jesaja 33:1

Djungeles djal tuke, kai tu lauter khetne dal, un kokres wal gar khetne dino. Djungeles djal tuke, tu phukepaskro, ap koleste kek phukras. Pal kowa, kai dal halauter khetne, weh tu ninna khetne dino. Pal kowa, kai phukral ap hakeneste, phukrenn le ap tute ninna.

Jeremia 30:16

Tu hunte djiness, kolla lauter, kai chan tut, wenn ninna chalo. Un lauter, kai kran tut daar, wenn pandles krik anlo. Un kolla, kai tchoran tiro koowa, wenn ninna win tchoredo. Un kolla, kai randan tut, wenn ninna randedo.

Jeremia 50:34

O diwes well, kai lau len kote win, me hom sorelo. Me, o baro Dewel, ko rai pral o bolepen un i phub, lau lengro koowa an miro wast, un lau o kurepen krik i phubjatar, Pral i menshende an o them Babilonia anau traash.

Jeremia 51:36

Doleske penell o baro Dewel ap o foro Jerusalem: Dik, me kamau tiro koowa an miro wast te lell. Me krau, te well lengro lengsto pani Eufrat truk, un te nashell an lengre wawar panja buder kek pani.

Micha 7:9

Djinau, me mukom o baro Debleskro drom. Doleske was leskri choli ap mande. Me hidjrau lat, bis te lell job miro koowa an leskro wast, un dell man miro tchatchepen. Job sikrell man peskri momeli, te dikap, har latcho job ap mande hi.

Habakuk 2:8

Tu tchoral i menshen an bud themma win. Tu maral bud lendar, kral lengro them un lengre forja paash, un djal sorjah ap halauterende, kai kote djiwenn. Doleske tchorenn tut kanna kolla win, kai djido atchan.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

1. Samuel 24:12

Miro dad, dik kau kotar dran tiri baja an miro wast! Me tchinom les dran tiri baja tele, un dom tut gar mulo. Ap kowa nai dikeh un haiweh, te hom kek phukepaskro un kamau tut kek tchilatchepen te krell. Tu leh man palla te dess man mulo, ninna te krom tuke tchi.

1. Samuel 24:15

Kones leh tu, o baro rai pral o Israel, palla? Koneske tradeh tu palla? Man, kai hom har i mulo djuklo, tchi wawar har jek pushum!

1. Samuel 25:39

Un har o David shunas, te meras o Nabal, penas lo: “Sharedo well o baro Dewel, kai i ladj, hoi o Nabal ap mande anas, ap leste pale anas. Un man, peskro budepaskres, rikras lo pale, te krap i tchilatcho koowa. Un ko tchilatcho koowa, hoi o Nabal kras, mukas o baro Dewel ap leskro shero pale te perell.” Un o David bitchras murshen pash i Abigajil, un mukas lake te penell, te kamell lo lat te romedinerell.